Muhevbudzi 5:4 - Bhibhiliya Nya Guage

⁴ Wa gu hunga gifungo ni Nungungulu, vbiredzela gu gi tadzisa, kholu Nungungulu kha tsakiswi khu vathu nya guvivbedwe khu myonyo. Khu guralo, tadzisa gisambanyo gyago.

Muhevbudzi 5:4 Iomraidhean Croise

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

Genesi 35:1

Pfhumu Nungungulu a di embela Jakobe, khuye: “Khuga u gwela Bheteli, indra uya khala iyo. U naya vbaha iyo giluvelo gya Nungungulu a nga dzi wonegisago gwago gikhati u nga bani u gu tutuma khu guthava ndriyago Esawu.”

Genesi 35:3

Hongoleni hi khuge hi gwela Bheteli, nyi naya vbaha iyo giluvelo gya Nungungulu a nyi hakhidego litshigu nyi nga bani nyiri wuvini nya gutshaniseke gwangu, a nga nyi hetedzago dzindzilani gwatshavbo nyi gimbidego.”

Dzindzimo 116:14

Nyi na landrisa sisambanyo nyi giridego ga Pfhumu Nungungulu, olu na nyi gu wonwa khu vathu vatshavbo.

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Dzindzimo 22:25

Nyi na gu dhumisa nyamba garala vbakari nya tshangano nya khongolo, vbakari ga vale va gu ningago githawo, nyi na tiyisa gisambanyo gyangu.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 76:11

Ningani Pfhumu Nungungulu wanu esi mu mu tumbisidego, mayigo yatshavbo ya vbafuvbi, ma na rese miningelo yawe vata yi bikela ga Nungungulu a yelago gu ningwa githawo.

Mavingu 20:25

Libango ga muthu a gu tutumela gu ganela, khuye: “Nyi dzi agisede Pfhumu Nungungulu!” Nasi siti ginani gi na guta mu dugelela khu hwane nya gu bani na giride gifungo.

Isaya 19:21

Pfhumu Nungungulu a na tidwa tigoni ga Egipito, Vagipiti va na muti Pfhumu Nungungulu litshigu lolo; avo va na mu khozela va mu girela dzimhamba nya miphaso ni miningelo nya dzimbewu, va na gira sisambanyo ga Pfhumu Nungungulu, va bwelo khavbo va si landrisa.

Jona 2:9

Aholu, eni khu ndzimo yangu nya gubonge, nyi na gu girela miphaso; gisambanyo gyangu nyi na gi landrisa; guvbanyisa gwa guta khu ga Pfhumu Nungungulu.”

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Mitengo 30:2

Muthu nya gukari a gu gira gifungo ga Pfhumu Nungungulu, mwendro gu gira gisambanyo, ni gu dzi hunga khu monyo waye, a nga tshuki a ndreyisa gifungo gyaye, fanede gu gira satshavbo a ganedego khu monyo waye.

Matewu 5:33

“Mu pwide gambe iso va nga embedwago va gale, gupwani: ‘U nga sambanyi malipha, aholu u na landrisa gisambanyo u nga girago ga Pfhumu.’

Vahebheru 10:6

Kha dzi gu tsakisi dzimhamba nya sirengo nya guvbiswe vbagiluvelotunu, ambari miphaso nya guhandze sighoho.

Valamuli 11:35

Gikhati a mu wonego, a di pferula dzingandzu dzaye a ganela, khuye: “Yo! Mwanangu, nyi ngupwa wuvi nya wukhongolo khu kotani gwago, kholu nyi giride gisambanyo ga Pfhumu Nungungulu nyi si yeligo gumba gi landrisa.”