Muhevbudzi 5:2 - Bhibhiliya Nya Guage

² U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.

Muhevbudzi 5:2 Iomraidhean Croise

Genesi 18:27

Aholu, Abrahama a di engedza gambe gu lomba, khuye: “Nyi na tiya gu ganela ni Pfhumu yangu, eni nyi gu si wa gilo, nyi gu kudzudzwane ni nguma basi.

Genesi 18:30

Abrahama a di engedza a ganela gambe, khuye: “Pfhumu yangu, u nga gorogi nya gu engedza gambe gu lomba; ahati ga guya manega basi magumararu vathu nya gululame?” Pfhumu a di hakha, khuye: “Kha nyi na li mbembisa nya guya mana avo nya magumararu vathu.”

Genesi 18:32

Abrahama a di ganela gambe, khuye: “Pfhumu yangu, u na nyi divalela, nyi na ganela gambe gumogo basi: Ahati wa guya mana likhumi vathu nya gululame?” Pfhumu a di hakha, khuye: “Kha nyi na mbembisa lidhoropa khu kotani nya avo nya likhumi.”

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

Genesi 28:22

Giwindri gegi nyi gi tsitsidego kha nga lidingo nya gialakanyiso, gi na bani na giri Nyumba ya Nungungulu; ga satshavbo iso a na gu nyi ningago nyi na dusa nyi livba gipandre nya likhumi.

Dzindzimo 115:3

Nungungulu wathu womo ndzadzini a ngu gira silo satshavbo khu gugola gwaye.

Mavingu 10:19

Muthu nya guganele ngudzu, kha vhiki gighoho, aholu uye a vegedzago likana laye, muthu nya mapimo.

Mavingu 20:25

Libango ga muthu a gu tutumela gu ganela, khuye: “Nyi dzi agisede Pfhumu Nungungulu!” Nasi siti ginani gi na guta mu dugelela khu hwane nya gu bani na giride gifungo.

Muhevbudzi 10:12

Magana ya muthu nya guti ma ngu tsakisa, aholu magana ya gipumbu ma gu gi tshipisa.

Muhevbudzi 10:13

Guphela nya magana yaye khya wupumbu, ni ayo nya guhegise khya gu handruga.

Muhevbudzi 5:3

Kha nga dzindroro dzitago khu mithumo ya yingi, magana nya wupumbu ma gu pwala khu gu ganela ngudzu.

Muhevbudzi 5:7

Kha nga dzindroro nya dzingi dzi gumba phasa gilo, kharato nugo guganela nyamba khedza hwane. Khu guralo, uwe thava Nungungulu.

Isaya 55:9

Kholu, kha nga ndzadzini gu khugegidego ngudzu guvbindra litigo, kharato nidzo dzindzila dzangu dzi khusegide guvbindra dzanu, ni mipimiso yangu, yomo vbatshani ngudzu guvbindra yanu.

Levhi 5:4

Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.

Matewu 6:7

“Milombeloni yanu mu nga tadzi mahungu nya mangi, kha nga idzo ma girago mahedheni, na ma gu pimisa nya gukhayo kharati khavbo ma na pwidwago.

Matewu 6:9

“Khu kharato, lombelelani, kharati: ‘Baba wathu u guromo Ndzadzini, lina lago li na rungudzwe.

Marko 6:23

A di sambanya gwaye, khuye: “Ni gevbi u na nyi lombago nyi na gu ninga, ambari nari gipandre nya mufumo wangu! Nyi na gu ninga.”

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

Valamuli 11:30

Jefiti a di gira gisambanyo ga Pfhumu Nungungulu, khuye: “Wa gu ningela mandzani gwangu va na Amoni,