Muhevbudzi 5:14 - Bhibhiliya Nya Guage

¹⁴ Thomba yeyi ya gu luza khu mhango nya gukari wugwewoni gwaye, ambari na velegide gyanana gya gu tshala nyambana gilo.

Muhevbudzi 5:14 Iomraidhean Croise

1 Dzipfhumu 14:26

A di dzega dzatshavbo dzithomba dza Nyumbani ga Pfhumu Nungungulu ni dza nyumbani nya wufumu, a dzega gambe ni sitshangu satshavbo nya ndralama si nga bani si giridwe khu Solomoni.

Joba 1:21

a ganela, khuye: “Nyi dugide khu ndrani ga mayi wangu nyiri mwalo gilo, nyi na bwelela gambe nyiri mwalo gilo. Pfhumu Nungungulu a nyi ningide, Pfhumu Nungungulu dzegide; li na bongwe lina la Pfhumu Nungungulu!”

Joba 5:5

Mihandro yawe va gu hodzedwa khavo va pwago ndzala, ambari na va yi bhiyide khu miba; muphangi a gu phanga thomba yawe.

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Dzindzimo 49:18

Na gu vbanya a di dzi tsakisa abune, khuye: “Va ngu gu zundza kholu silo sago satshavbo si ngu gimbila gwadi,”

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 5:13

Mafuni momu nyi di wona gimbe gigaradzo nya guvbindre pimo, a gu egi: Muthu a vegedzelago thomba yi bwelo khavbo yi mu girela mhango.

Muhevbudzi 5:15

Kha nga a dugidego khu ndrani ga mayi waye nyamba ambala gilo, kharato gambe a na bwelela nyambana gilo.

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

1 Samuweli 2:36

Avo va na tshalago va ndrangani gwago, va na khidzima mbeli gwaye, gasi va mane gingerengere nya parata mwendro gipandre nya gibaba, va mu embela, khavo: Hi ngu gu lomba, hi dzumedzise hi khala vaphasi nya mhamba gasi hi kodza gu mana gilogyo nya guhodze.”