Muhevbudzi 5:11 - Bhibhiliya Nya Guage

¹¹ Avbo dzi engedzelanago dzithomba, va nya gu hodza navo va gu engedzelana. Sa gu mu phasa ginani muthu a si manago, vbavbandze nya gu si wone basi khu maho?

Muhevbudzi 5:11 Iomraidhean Croise

Genesi 12:16

Khu kotani yaye, Abrama a di pharwa gwadi ngudzu, a gu ningwa dzinvuta, dzimombe ni dziburu, sithumi nya vama ni vanyamayi, dziburu nya migadzi ni dzingameriya.

Genesi 13:2

Abrama a di fumide ngudzu mitshambi, parata ni ndralama.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 2:9

Nyi khusegide guvbindra vatshavbo va fumidego Jerusalema nyi si gu velegwi, kholu nyi nga simamago ni wugengeli.

Muhevbudzi 5:12

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Muhevbudzi 6:9

Nya sadi khu gu wona silo khu maho, guvbindra gu si dogorela khu monyo. Aholu esi niso gu dzi pfhadza, kha si phasi gilo, gututuma hwane nya phuvbo yi vbindrago.

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Habhakuka 2:13

Ina kha guti khu ga Pfhumu Nungungulu nya Tshivba Yatshavbo, gukhuye vathu va gu thumela esi si na guvbyago khu nilo, va dzi garadza khu iso si si phasigo gilo, gani?

1 Johane 2:16

Satshavbo si guromo mafuni: Gudogorela nya givili, ni gudogorela nya maho, ni gu dzi gugumugisa khu kotani nya silo nya mafu, satshavbo sesi kha siti khu ga Babe, aholu, sa guta khu mafuni momu.