Muhevbudzi 5:1 - Bhibhiliya Nya Guage

¹ Khedza ngondro wago umo wu gandrago wa gu bani u bela Nyumbani gwa Nungungulu. Hi dzimela gasi guya yingisa, esi si ngu phasa ngudzu guvbindra dzimhamba dza sipumbu, kholu sipumbu kha si dziti nya gukhiso sa gu gira silo nya guvivbe.

Muhevbudzi 5:1 Iomraidhean Croise

2 Dzikoronika 26:16

Aholu avbo a nga wona nya gukhuye a na ni tshivba, monyo waye wu di dzi khusedza wu gira matshandza, a hambanisa Nayo wa Pfhumu Nungungulu waye, kholu a di bela Nyumbani ga Pfhumu Nungungulu gasi guya vbisa libani vbagiluvelotunu nya libani.

Joba 11:2

“Ina magana nya gutale nya nga aya, ma ngu tandregwa gu phindrudwa, gani? Ina muthu nya guganele ngudzu, a na ni lisine, gani?

Joba 22:12

Ina Nungungulu mwalo vbatshani ndzadzini, gani? Nga wona dzinyeledzi nya dzikhongolo vbatshani yeyi. Idzo dzi khusegidego khidzo!

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Ekisodha 3:5

Nungungulu a di engedza, khuye: “U nga hidzimeli avba. Tshula silato migondroni gwago, kholu wulanga u gandrago litigo li agidego.”

Ekisodha 30:18

“U na gira ginamelo nya sugu gi gu na ni girandro nya sugu gasi gu hambela umo. U na gi vega vbakari ni vbakari nya gu eno giluvelo eno Tshatsha nya Tshangano, u na thela mati ginameloni.

Mavingu 10:19

Muthu nya guganele ngudzu, kha vhiki gighoho, aholu uye a vegedzago likana laye, muthu nya mapimo.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Mithumo 10:33

Nyi di dzegela gu gu ranisa. Nyi ngu bonga olu u dzudego. Olu hi tshanganide avba hatshavbo mahoni ga Nungungulu, hi dzi dongisede gu yingisa satshavbo esi u rumedwego khu Pfhumu.”

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

1 Vakorinto 11:22

Ina mu mwalo magaya nya guhodze ni gu sela iyo, gani? Khu ginani mu kanyisa libandla la Nungungulu, muya thela dzitshoni vale va gu mwalo gilo? Mwa gu vbweta nyi mi embela kheni ginani? Mwa gu vbweta nyi mi zundza, gani? Ahihi, ga esi silo kha nyi mi zundzi ne vbadugwana!

Vahebheru 10:26

Kholu, ha gu simama hi ghoha nya gigwenye, olu hi li tidego lisine, gu mwalo gambe yimbe mhamba nya gu dzi kodze gu dusa sighoho sathu.

Jakobe 1:19

Sitini gwadi esi, vandriyangu nya sigodwa; muthu ni muthu a na vbiredze gupwa, a hwela gu ganela, a hwela gu goroga.

Josuwa 5:15

Muthangeli nya nyimbi ya Pfhumu Nungungulu a di hakha, khuye: “Tshula silato migondroni gwago, kholu wulanga u guromo wu agide.” Josuwa a di gira kharato.