Muhevbudzi 4:4 - Bhibhiliya Nya Guage

⁴ Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Muhevbudzi 4:4 Iomraidhean Croise

Genesi 26:14

A di fuma mitshambi nya dzinvuta ni dzimombe ni sithumi nya gutale ngudzu. Vafilisitiya va di girela lidiwo Isaki.

Genesi 31:1

Khavbo avbo, Jakobe a dipwa siregera sa sanana sa Laboni si nga bani si gu, khiso: “Jakobe dzegide silo satshavbo sa babe wathu, a wungedzede talo nya dzithomba dzatshavbo dzedzi khu silo sa babe wathu.”

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Muhevbudzi 1:14

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Muhevbudzi 1:17

Nyi dzi ningede khu monyo wangu gasi guti gwadi wugengeli, ni guti gambe lihure ni wupumbu. Nyi di wona gambe gukheni satshavbo sesi gu tutuma hwane nya phuvbo yi vbindrago.

Muhevbudzi 2:21

Kholu muthu a dzi garadzago khu gu thuma khu wugengeli ni guti, a guta wona handro nya thumo waye na wu tshiyedwa uye a ngamba dzi garadza khu gu thuma; satshavbo sesi gu dzi pfhadza, kha si phasi gilo.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 4:16

Vathu a nga bani a va thangela va diri vangi guvbindra tengo. Aholu avo vatago khu hwane gwaye kha va na nga mu tsakela. Satshavbo sesi gu dzi pfhadza ni gututuma hwane nya phuvbo yi vbindrago.

Muhevbudzi 6:11

Avbo gu guromo guganedzisana, gomo gambe gu dzi pfhadza, gasi muthu a gu phasega khu ginani khu isoso?

Muhevbudzi 6:9

Nya sadi khu gu wona silo khu maho, guvbindra gu si dogorela khu monyo. Aholu esi niso gu dzi pfhadza, kha si phasi gilo, gututuma hwane nya phuvbo yi vbindrago.

Matewu 27:18

A di gu dziti nya gukhuye va di mu ningela khu kotani nya lidiwo.

Mithumo 7:9

Sitefane a di engedza, khuye: “Vakokwe vathu avo, va di girela lidiwo ndriyawe Josefe, va mu rengisa a vbagedwa a yiswa Egipito. Aholu Nungungulu a diri ni uye;

Jakobe 4:5

Mwa gu alakanya gukhenu Milowo nya Guage ya gu ganela mahala, yi gu, khiyo: “Ina Liphuvbo li vbanyago milini gwathu, Nungungulu a di li gira khu wufu, gani?”

1 Johane 3:12

Hi nga giri kha nga Kayimi a nga bani a gu lumba Sathane a songa ndriyaye. A di mu songa khu kotani nya ginani? Kholu mithumo a nga bani a gira Kayimi yi di vivbide, gasi eyi ya ndriyaye yi diri yadi.