Muhevbudzi 4:14 - Bhibhiliya Nya Guage

¹⁴ Ilo li ngu kodza gu duga khu pasoni li ta fuma, ambari na li velegedwe tigoni ga mufumeli wule nari gisiwana.

Muhevbudzi 4:14 Iomraidhean Croise

Genesi 41:14

Khavbo avbo, Faro a di rumela guya rana Josefa, va dzegela guya mu dusa pasoni. Uye a di vila giledzu, a ambala dzimbe dzingandzu aya dzi bikela ga Faro.

2 Dzipfhumu 24:12

Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

2 Dzipfhumu 24:6

Jeyowakimi, lade gumogo ni vavelegi vaye, mwanaye Jowakimi khuye a fumidego wulangani gwaye.

2 Dzipfhumu 25:7

Sanana sa Zedhekiya, si di pidwa migolo mbeli ga babe wawe, Zedhekiya va di mu rumbula maho, va mu hunga khu makhetshe nya sugu va mu yisa Bhabhiloni.

Joba 5:11

a ngu khusedza avo va dzi nogisago, ni gu wuyisa avo va lilago, wulangani nya gukhadzisege.

Muhevbudzi 4:15

Nyi di wona vathu vatshavbo va vbanyago mafuni na va gu landrela lidzaha li na tshikedzago mufumeli.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Dhaniyeli 4:31

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

1 Samuweli 2:8

A ngu khusa gisiwana umo nya kudzudzwane ni gu dusa wusiwanani muhamugi, gasi gu va khadzisa gumogo ni dzipfhumu; ni gu va ninga thomba nya gikhalo nya wudhumo; kholu siseketelo nya mafu khya Pfhumu Nungungulu, vbatshani nya iso, handzegide litigo.