Muhevbudzi 3:20 - Bhibhiliya Nya Guage

²⁰ Vatshavbo va na hegisa khu guya dangamwedo. Va giridwe khu kudzudzwane nya mafu, khu guralo, vatshavbo va na bwelela mafuni.

Muhevbudzi 3:20 Iomraidhean Croise

Genesi 25:17

Myaga nya guvbanye ya Ismayeli, lizana ni magumararu na livbandre na mivili (137) myaga. Hwane nya ugo, a difa aya patana ni vababe vaye.

Genesi 25:8

Abrahama a di hefemudzega; afa na gumbide ngudzu, na tade khu matshigu nya guvbanye, a diya patana ni vababe vaye.

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Joba 14:10

Gasi muthu a gufa a vbeledwa khu tshivba, gu duga hefemulo waye, gasi a guya hayi?

Joba 14:14

Naripwani muthu a gufa, a ngu dzi kodza guwuga a vbanya gambe, nyi di hadza gu tiyisela sigaradzoni gwangu gwatshavbo kala nyi wona gutshudziswa gwangu.

Joba 17:13

Gasi olu eni, nya gu lirela lithowo li khala ndranga yangu; ni gidemani nyi na ladza umo lidawu langu;

Joba 30:24

Lisine kheli, mwalo a thawuludzago mandza ga muthu a thegidego, avbo uye gutshanisekani gwaye a lombago gu phaswa.

Joba 34:15

vatshavbo va di hadza gumbemba, ni muthu a di hadza gu bwelela a khala kudzudzwane.

Joba 7:9

Nya nga mapfhi ma phalalegago ma mwalalega, kharato nugo wule a relelago phalani nya vafi, gima kha wuyi gambe.

Dzindzimo 103:14

Kholu a ngu dziti edzi hi wumbidwego khidzo, a ngu alakanya gukhuye ethu hi libumba basi.

Dzindzimo 104:29

Wa gu si sihela khovbe yago, iso sa gu vbela tshivba; wa gu si dzegela hefemulo, iso sa gufa, si bwelela si khala gambe kudzudzwane.

Dzindzimo 49:14

Va gu fanana ni dzinvuta dzi dongisedwago lithowo; muhavisi wawe khu lufu, va na vbiredza gu relela thowoni avbo givili gyawe gi na guya tsagudzedwa; avo va na vbanyela thowoni.

Muhevbudzi 12:7

Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Muhevbudzi 3:21

Khu mani a dzitigo nya gukhuye hefemulo nya muthu wu na gwela vbatshani ndzadzini, gasi hefemulo nya sirengo wu na relela vbavbatshi mafuni, na?

Muhevbudzi 6:6

Ina, ambari na vbanyide magumavili mazana (2.000) myaga, aholu na sapwa gutshamba khu thumo waye, uye gumogo ni gyanana, vatshavbo kha va hongoli dangamwedo, gani?

Muhevbudzi 7:2

I tshukwana gu tutumela nyumbani nya gililo, guvbindra nyumbani nya buzo. Kholu avbovbo khavbo a gu mahegiso nya muthu; ni vale va vbanyago va fanede gu pimisa.

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Mitengo 27:13

Hwane nya gu nu li wonide, uwe nuwe u na ya patana ni vakokwe vago, kha nga edzi a giridego ndriyago Aroni.