Muhevbudzi 3:2 - Bhibhiliya Nya Guage

² Gyomo gikhati nya guvelegwe, ni gikhati nya gufe; gikhati nya guyale, ni gikhati nya guvbwere esi si yadwego;

Muhevbudzi 3:2 Iomraidhean Croise

Genesi 17:21

Aholu gidzumeledzwano gyangu nyi na hunga ni Isaki a na velegwago khu Sara mwaga wutago, khu matshigu nya nga aya.”

Genesi 47:29

Na ma gu hidzimela matshigu nya gufe ga Jakobe, a di ranisa mwanaye Josefa a mu embela, khuye: “Nya gu bani nyi manide wuhigo mbeli gwago, nyi ngu gu lomba u vege mandza yago vbanyongatunu gwangu u nyi girela wuwadi ni gu tumbega, nyi ngu gu lomba u nga nyi dzingi tigoni ga Egipito.

1 Dzipfhumu 13:2

A dita laledza vbagiluvelotunu khu magana ya Pfhumu Nungungulu, khuye: “Giluvelo, giluvelo! Pfhumu Nungungulu, a ngu ganela kharati, khuye: Khumo nya lihundzu la Dhavhidhe, gu na velegwa gyanana gi na ranwago pwani Josiya, uye a na songa vbatshani gwago, vaphasi nya mhamba va malangani nya sigomo va gu vbiselago libani, va na gu vbisela khu marambo nya vathu.”

2 Dzipfhumu 4:16

Elizewu a di mu embela, khuye: “Khu mwaga wutago khu gikhati nya nga egi, u na bani u wugarela gyanana.” Nyamayi a di hakha, khuye: “U nga ganeli kharato mune wangu, muthu wa Nungungulu, u nga lipheli githumi gyago.”

Joba 14:14

Naripwani muthu a gufa, a ngu dzi kodza guwuga a vbanya gambe, nyi di hadza gu tiyisela sigaradzoni gwangu gwatshavbo kala nyi wona gutshudziswa gwangu.

Joba 14:5

Matshigu nya muthu ma pimidwe u sayede tengo nya migima yaye, u mu vegede vbingano uye a gumba wu kodza gu wu ndraga.

Joba 7:1

“Ina gikhati nya guvbanye ga muthu mafuni momu khandri a gu dwana, gani? Matshigu yaye kha ma fanani ni ya muthu a thodwego, gani?

Dzindzimo 113:9

a ngu gira nyamayi nya gifule a vbanya pangoni khu gukhadzisega, a mu gira mayi nya wuzundzo nya sanana. Aleluya! A na dhumiswe Pfhumu Nungungulu!

Dzindzimo 52:5

A nuye Nungungulu a na gu mbembisa kala gupindruga; a na gu dzega a gu tutumisa nyumbani gwaye a gu fuvisa tigoni nya vathu nya guvbanye.

Mavingu 24:27

Phela khu gu lulamedza mithumo yago ya vbavbandze, u sayisa mahange yago, khavbo u na wumbago lipango.

Isaya 28:24

Ina kamwe mulimi a gu lima lithembwe gasi gu yala, a gu simamisa gu lima basi nyamba thuma gimbe gilo, gani? A gu pola misele ni gu dongisela wulime basi, gani?

Isaya 38:1

Khu matshigu yale, a di dwala Ezekhiya khu madwali nya guhadze gufa; muprofeti Isaya, mwamana wa Amosi, a di ya mu wusela a mu embela, khuye: “Pfhumu Nungungulu a ngu ganela kharati, khuye: Lulamisela gwadi mahungu nya nyumba yago, kholu u nafa khu na vbanya gambe.”

Isaya 38:5

Indra embela Ezekhiya, khuwe: Pfhumu Nungungulu wa babe wago Dhavhidhe, a ngu ganela, khuye: Nyi pwide nombelo wago, nyi wonide marongo yago; khu guralo, nyi na engedzela matshigu nya guvbanye gwago likhumi na livbandre myaga.

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 45:4

U na va embela esi, khuwe: “Pfhumu Nungungulu a ngu ganela kharati, khuye: Nyi na pfhungumula iso nyi vbahidego, nyi bwelo khavbo nyi sigula iso nyi yadego tigoni gwatshavbo.

Matewu 13:41

Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Matewu 15:13

Uye a di va hakha, khuye: “Simbo watshavbo wu ngamba yadwa khu Babe wangu a guromo Ndzadzini wu na sigudwa.

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:20

U na khala gidudu; nyamba ganela, kala si gu girega satshavbo sesi, kholu khwa khodwa khu magana yangu, ayo ma na giregago khu gikhati gyakone.”

Luka 1:36

Wona, nongo wago Elizabheta khuride nuye mimba wukhosaneni gwaye. Oyu khu ngima nya livbandre na moyo na khuride mimba, wule a nga bani a ranwa pwani gyumba,

Johane 16:21

Nyamayi a gu bani a lumwa, a gu saniseka, kholu gi vbohide gikhati gyaye; aholu, na hefemude, kha nga gu dundruga gambe gusaniseka gule, khu litsako nya gyanana a velegidego.

Johane 7:30

Khavbo avbo, va di vbweta gu mu mola, aholu mwalo a nga mu khuhago, kholu gikhati gyaye gi di si gu vbohi.

Mithumo 7:17

Na giri vbafuvbi ni gu vboha gikhati Nungungulu a nga gi vegisago gasi gu tadzisega gitumbiso a nga girago ga Abrahama, vathu va di velegelana va gu tala tigoni ga Egipito.

Mithumo 7:20

Khu gikhati gyogyo a di velegwa Mosi, gyanana gi nga tsakisa Nungungulu. Vavelegi vaye va di mu dandrisa gipimo nya migima miraru ndrangani gwawe.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Dhewuteronome 34:5

Mosi, githumi gya Nungungulu, a difa avbo vbale, tigoni gwa Mowabhi kha nga idzo a ganedego khidzo Pfhumu Nungungulu.

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.

1 Samuweli 2:5

Avo va nga bani va khuride, olu va gu thumela guhodza, aholu khuriside vandzale; ambari gyumba gi velegide livbandre na sivili sanana, ni uye a nga bani ari ni sanana nya singi, rerekide.