Muhevbudzi 3:17 - Bhibhiliya Nya Guage

¹⁷ Khu guralo, nyi di pimisa nyabune, kheni: “Nungungulu a na lamula muthu nya gululame gumogo ni gighohi, kholu vegide gikhati gimwegyo nya gilo ni gilo, ni gikhati nya thumo watshavbo.”

Muhevbudzi 3:17 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Muhevbudzi 1:16

Nyi di alakanya khu monyoni gwangu, kheni: Nyi dzi girede wugengeli nya wukhongolo guvbindra vatshavbo va fumidego omu Jerusalema nyi si gu vbohi eni. Nyi hevbude ngudzu nyi mana mano ni wugengeli.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 12:14

Nungungulu a na lamula mithumo yatshavbo, ni satshavbo si sihadego, iso nya sadi niso nyamba sadi.

Muhevbudzi 2:1

Nyi di ganela khu monyoni gwangu, kheni: “Delu! Nya gu vbweta gu gu pwisa gutsaka; dzi buze khu gunengela.” Aholu nyi di si wona gambe nari gu dzi pfhadza.

Muhevbudzi 3:1

Satshavbo si dongisedwe gikhati gyaye, gyomo gikhati nya satshavbo si guromo mafuni:

Muhevbudzi 8:6

Silo satshavbo si na ni nango ni magirelo yaye, aholu guvivba ga muthu gu ngu mu lemela.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 12:4

Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Johane 5:22

Babe kha lamuli muthu, aholu ningide Mwanaye tshivba nya gulamule silo satshavbo,

Mithumo 1:7

Uye a di va hakha, khuye: “Kha si lumbi enu guti gikhati ni dzinango Babe a dzi vegisidego khu gudzina gwaye.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

1 Vatesalonika 5:1

Vandruye, khu mahungu nya gikhati ni matshigu si na gu giregago silo soso, kha gu vbwetegi gu ganela gambe gimbe gilo.

Gutuledwa 11:18

Mayigo ma di gu wugede khu tshivba, aholu gi vbohide gikhati gyago nya gu phodze. Khigyo egi gikhati nya gulamule avo vafudego ni gu tshatshazela sithumi sago, vaprofeti; ni sihathwa, ni vatshavbo vale va ningago githawo lina lago, sanana ni vakhongolo. Gi vbohide gikhati nya gumbembise vale va saselago litigo.”

Gutuledwa 20:2

Iyo yi di mola mwamilambo, nyoga ya gale a gu uye Dhiyabulosi ni Sathane, a gu mu khothela likhumi mazana (1.000) myaga.