Muhevbudzi 3:11 - Bhibhiliya Nya Guage

¹¹ Silo satshavbo Nungungulu a si vegede gikhati gyaye; na vegide gambe myonyoni gwawe gu alakanya dzinango nyamba vbela; ambari kharato, mwalo muthu a wutigo thumo wu giridwego khu Nungungulu gukhugela guphela kala mahegiso.

Muhevbudzi 3:11 Iomraidhean Croise

Genesi 1:31

Nungungulu a di wona gukhuye sigiro Saye satshavbo si diri sadi ngudzu. Li di pfola, li gugya: Litshigu nya livbandre na limwedo.

Joba 11:7

Ina u ngu yela guti sihalo wa Nungungulu ni guvbelela ga uye nya Tshivba Yatshavbo, gani?

Joba 37:23

Mwalo uye a kodzago gu hidzimela ga Uye a gu na ni Tshivba Yatshavbo, Uye khongolo a na ni tshivba tade khu gululama, gima kha tshanisi muthu.

Joba 5:9

Uye giride silo nya sikhongolo si samadzisago, ni siliwugiso nyambana tengo.

Dzindzimo 104:24

Uwe Pfhumu Nungungulu sigiro sago si tade! U si giride satshavbo khu guti ni mapimo, litigo li tade khu sigiro sago.

Mavingu 16:4

Satshavbo silo a giridego Pfhumu Nungungulu a si vegede thumo waye, ambari avo nya guvivbedwe khu myonyo, va vegedwe litshigu nya mhango.

Muhevbudzi 1:13

nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 11:5

Kha nga olu u gumba yiti ndzila nya phuvbo, ni idzo gu wumbwago khidzo marambo girumbuni ga nyamayi a gu ni mimba, khu kharato gambe mithumo ya Nungungulu, a girago satshavbo, khu yeli gu yiti.

Muhevbudzi 7:13

Nga khedza thumo Nungungulu a giridego; khu mani a kodzago gu lulamedza iso a si wegedzidego?

Muhevbudzi 7:23

Satshavbo sesi nyi di si vbweta khu wugengeli, nyi ganela, kheni: Mwendro nyi na khala muthu nya guti. Aholu guti gu di manega hwindzo ni eni.

Muhevbudzi 7:29

Iso nyi si manidego basi khesi: Nungungulu a di gira muthu nya gululame, aholu uye a di dzi vbwetela dzimbe dzindzila nya guwegele.

Muhevbudzi 8:17

Khu guralo, nyi di wona thumo watshavbo wu giridwego khu Nungungulu mafuni momu gukheni vathu kha va kodzi gu wu pima ambari muthu a dzi garadzago khu gu wu vbwetedzela, kha dzi kodzi gu wu mana, ambari vale va gukhavo va gengede kha va wu mani.

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 13:22

Mbewu yi nga thegela mibani, khu wule a pwago mahungu; aholu sigaradzo nya guvbanye ni dzithomba nya mafu si midza mahungu, ma hegisago khu gumba thela gilo.

Marko 7:37

Vatshavbo va di liwuga ngudzu va gu ganela, khavo: “Satshavbo a ngu gira gwadi: A ngu tula dzindzeve sivbwiri, ni gu tulela gu ganela sidudu.”

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 11:33

Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye?

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.