Muhevbudzi 2:9 - Bhibhiliya Nya Guage

⁹ Nyi khusegide guvbindra vatshavbo va fumidego Jerusalema nyi si gu velegwi, kholu nyi nga simamago ni wugengeli.

Muhevbudzi 2:9 Iomraidhean Croise

1 Dzipfhumu 10:23

Khu guralo, mufumeli Solomoni, a di vbindra vafumeli vatshavbo va mafuni, khu dzithomba ambari khu guti.

1 Dzipfhumu 10:7

Aholu eni nyi di si khodwi khu magana yoyo, kala nyi dzudego nyita si wona khu maho yangu. Kha va nga nyi pwadzela ni sidugwana. Guti gwago, wudhumo ni thomba yago, si ngu vbindra ngudzu ndruma yago nyi yi pwidego.

1 Dzipfhumu 3:12

Eni nyi na gu ninga ugo u lombago; nyi na gu ninga monyo nya wugengeli ni mapimo ngudzu nya gu gima, gu si gu manegi muthu nya gufanane nago, ambari khu hwane gwago kha na nga manega gambe nya nga uwe.

1 Dzikoronika 29:25

Pfhumu Nungungulu a di khusedza ngudzu Solomoni vbakari ga va na Israyeli vatshavbo, a dandrisa wufumu waye guvbindra vafumeli vatshavbo va fumedego Israyeli na si gu fumi uye.

2 Dzikoronika 1:1

Solomoni mwamana wa Dhavhidhe, a di tiyisa wufumu waye, Pfhumu Nungungulu waye, a diri ni uye a mu khusedza ngudzu.

Muhevbudzi 1:16

Nyi di alakanya khu monyoni gwangu, kheni: Nyi dzi girede wugengeli nya wukhongolo guvbindra vatshavbo va fumidego omu Jerusalema nyi si gu vbohi eni. Nyi hevbude ngudzu nyi mana mano ni wugengeli.

Muhevbudzi 5:11

Avbo dzi engedzelanago dzithomba, va nya gu hodza navo va gu engedzelana. Sa gu mu phasa ginani muthu a si manago, vbavbandze nya gu si wone basi khu maho?