Muhevbudzi 2:7 - Bhibhiliya Nya Guage

⁷ Nyi rengide dzikhumbi nya vama ni vanyamayi; simbe sithumi si velegedwe ndrangani gwangu, nyi na ni mitshambi nya yingi, nya dzimombe ni dzinvuta, nya guvbindre vatshavbo va vbanyidego Jerusalema na nyi si gu velegwi.

Muhevbudzi 2:7 Iomraidhean Croise

Genesi 13:2

Abrama a di fumide ngudzu mitshambi, parata ni ndralama.

Genesi 14:14

Abrama, na pwide gupwani mwanaye Loti modwe, a di somisa matshari sithumi saye nya gu si thembe, esi si velegedwego ndrangani gwaye, khu sayo nya mazana mararu ni likhumi na livbandre na vararu (308) vama, va gu bela ndzilani va tutumisa valala kala tigoni ga Dhani.

Genesi 15:3

Abrama a di engedza gambe, khuye: “U ngu dziti gwadi gukhuwe khwa nyi ninga sanana, ni gu khuwe githumi gi velegidwego ndrangani gwangu khigyo gi na khalago muhodzi nya thomba yangu.”

1 Dzipfhumu 4:23

likhumi dzimombe nya gunone, ni magumavili dzimombe nya guhaviswe, ni lizana dzinvuta vbavbandze ga vamangulu, dziyisya, dzimbavala ni dzikhugu nya gunone.

2 Dzipfhumu 3:4

Khavbo avbo, Mesa, mufumeli wa na Mowabhi, a diri mufuyi nya mitshambi, uye khu mwaga ni mwaga, a di gu livba gikhaba ga mufumeli wa Israyeli, khu lizana magumi mazana (100.000) dzinvuta, ni mawoya nya lizana magumi mazana (100.000) dzihamba.

2 Dzikoronika 26:10

Giride gambe madingo giwulani, a kemba milambo nya yingi; kholu a diri ni mitshambi nya yingi, mikovani ni vbavbandze a diri ni valimi, ni vathu nya vangi va nga bani va thuma marembweni nya miuvha, sigomoni ni mahangeni nya gunone; kholu a di gu tsakela wulimi.

Ezira 2:55

Sanana sa sithumi sa Solomoni khesi: Va na Sotayi, va na Sofereti, va na Peruda,

Ezira 2:58

Vatshavbo vathumegeli va Nyumbani gwa Nungungulu ni sanana sa sithumi sa Solomoni, va diri mazana mararu ni livbandre na mana magumi na vavili (392).

Nehemiya 7:57

sanana sa sithumi sa Solomoni, sanana sa Sotofayi, sanana sa Sofireti, sanana sa Perida,

Joba 1:3

A diri ni livbandre na mavili magumi mazana (7.000) nya dzinvuta, magumararu mazana (3.000) dzingameriya, livbandre mazana (500) mipatwa nya dzimombe, livbandre mazana (500) nya dziburu nya migadzi ni tengo nya wungi nya dzikhumbi. A diri muthu nya gufume ngudzu tigoni ga Khugadambo.

Joba 42:12

Khu guralo, Pfhumu Nungungulu, a di kategisa Joba a mu ninga thomba guvbindra iyo a nga bani nari nayo guhegulani; kholu a di manega nari ni likhumi na mana magumi mazana (14.000) dzinvuta, livbandre na limwedo magumi mazana (6.000) dzingameriya, likhumi mazana (1.000) mipatwa nya dzimombe ni likhumi mazana (1.000) dziburu.

Luka 12:45

Aholu githumi gile gya gu pimisa, kharati: ‘Pfhumu yangu a ngu hwela gu vboha’, gi gu phela gu vetelela sithumi, gi hodza, gi sela, gi leva,