Muhevbudzi 2:23 - Bhibhiliya Nya Guage

²³ Matshigu yaye yatshavbo khya gu garadzega, ni gu dzi garadza gwaye khwa wuvi, ni vbawutshigutunu kha mani guhefemula nya gwadi. Satshavbo sesi kha si phasi gilo, gu dzi pfhadza basi.

Muhevbudzi 2:23 Iomraidhean Croise

Genesi 3:17

Khavbo avbo, Pfhumu Nungungulu a di embela mwama, khuye: “Olu u nga yingisa mwangadzi wago u gu hodza handro nya simbo nyi nga gu himbedzelago gu wu hodza, mafu ma na vadwa khu kotani yago; matshigu yatshavbo nya guvbanye gwago, u na garadzega ngudzu gasi gu mana guhodza nya mihandro ya mafuni.

Genesi 47:9

Jakobe a di hakha, khuye: “Tengo nya myaga nya lendro langu, lizana ni magumararu (130) myaga. Gikhati nya myaga nya guvbanye gwangu gi rode gambe gi tade khu gutshaniseka, kha gi ningani ni myaga nya guvbanye ga vababe vangu, matshiguni nya guendre gwawe.”

Joba 14:1

“Muthu a velegidwego khu nyamayi, matshigu yaye ma rode, na ma tade khu sigaradzo.

Joba 5:7

Aholu muthu velegedwe sigaradzo, kha nga dzitshahe dzi pirigago niloni dzi vbuvba dziya vbatshani.

Dzindzimo 127:2

Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Dzindzimo 32:4

Kholu wutshigu ni mihani mandza yago ma di nyi lemela, tshivba yangu yi di vbela khu guvbisa nya lihani.

Dzindzimo 90:15

Hi ninge gutsaka nya guningane ni myaga yeyi hi wonidego sitshaniso.

Muhevbudzi 1:13

nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 1:18

Kholu avbo wu etago wugengeli, gu tade sigaradzo, ni avbo gu etago mapimo nya guti, gutshaniseka gungi.

Muhevbudzi 2:11

Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.

Muhevbudzi 5:12

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Muhevbudzi 5:17

A na vbedza matshigu yaye mugidemani, a khala khu gu vbisega a tshaniseka ni gulila!

Muhevbudzi 8:16

Nyi dzi garadzide khu tshivba yangu yatshavbo khu gu vbweta guti, ni gu pima ni gu khevisela satshavbo esi vathu va girago, mafuni momu; kholu vomo va si manigo ligovbe wutshigu ni mihani.

Dhaniyeli 6:18

Khavbo avbo, mufumeli a di bwelela nyumbani gwaye nya wufumu, a pila wutshigu watshavbo na gu hala, a si dzumedzisi gu yisedwa vbafuvbi gwaye siwombawomba nya wutsendze. Gambe kha nga mana ligovbe.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”