Muhevbudzi 2:21 - Bhibhiliya Nya Guage

²¹ Kholu muthu a dzi garadzago khu gu thuma khu wugengeli ni guti, a guta wona handro nya thumo waye na wu tshiyedwa uye a ngamba dzi garadza khu gu thuma; satshavbo sesi gu dzi pfhadza, kha si phasi gilo.

Muhevbudzi 2:21 Iomraidhean Croise

2 Dzikoronika 34:2

A di thuma mithumo ya yadi mbeli ga Pfhumu Nungungulu; a di gimbila khu dzindzila dza babe waye Dhavhidhe, a si hambani nadzo, kha ndreyela nyamudye, mwendro nyambade.

2 Dzikoronika 35:18

Gukhugela matshiguni ya muprofeti Samuweli, gima kha ya nga girwa gambe Phasika nya gufanane ni iyoyo; ambari ni vbakari ga vafumeli vatshavbo va na Israyeli, mwalo ni mumbe mufumeli a giridego yimbe Phasika nya gufanane ni eyi yi giridwego khu Josiya, ni vaphasi nya mhamba, va na Levhi gumogo ni va na Judha, ni vatshavbo va na Israyeli, avo va nga bani va romo, gumogo ni vathu va Jerusalema.

Dzindzimo 39:7

Gasi eni, Pfhumu, nya gu tumba ginani? Uwe khuwe gitumbo gyangu.

Dzindzimo 49:10

Wonani, va nya guti va ngufa siphuguphugu niso si ngufa gumogo ni maphuphulu, va tshiya dzithomba dzawe ga vambe vathu.

Dzindzimo 49:11

Lithowo lawe li na khala dzinyumba dzawe, va na vbanya umo khu mimela ni mimelana. Ambari na va ningide lina mayigo yawe.

Muhevbudzi 2:20

Khu guralo, monyo wangu wu di vbela tshivba, khu thumo watshavbo nyi dzi garadzidego khu gu wu gira mafuni momu.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 9:18

Guti gu na ni giphaso guvbindra matshari nya nyimbi, aholu gighohi gimwegyo basi gi ngu kodza gu ghohetela silo nya singi nya sadi.

Jeremiya 22:15

Ina u na fuma kholu u gu ni misedhari nya yingi yi na gu gu gira mufumeli, gani? Ina khu dziti nya gukhuwe babe wago hodzide ni gu sela, kholu a nga lamula khu gululama ni lisine, gani? Khu guralo, uye satshavbo si di mu dugela gwadi.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.