Muhevbudzi 2:17 - Bhibhiliya Nya Guage

¹⁷ Khu guralo, nyi di venga guvbanya, khu gu wona gukheni satshavbo si girwago mafuni kha si phasi gilo gututuma hwane nya phuvbo yi vbindrago basi.

Muhevbudzi 2:17 Iomraidhean Croise

1 Dzipfhumu 19:4

A di gimbila gipimo nya litshigu rumba giwulani, aya khala mutsani nya simbo a lomba gufa. Khavbo avbo, a di lomba kharati, khuye: “Olu basi, Pfhumu Nungungulu! Dusa womi wangu, kholu kha nyi sizi gilo guvbindra vavelegi vangu.”

Joba 14:13

Naripwani u ngu kodza gu nyi siha phalani nya vafi, u nyi sihadza umo kala livbela likhulo lago, u di hadza gu vega gikhati nya gu nyi alakanye khigyo!

Dzindzimo 89:47

Dundruga gukhuwe womi wangu wu rode, muthu u mu wumbidego kha vbanyi matshigu nya gulaphe.

Muhevbudzi 1:14

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Muhevbudzi 1:17

Nyi dzi ningede khu monyo wangu gasi guti gwadi wugengeli, ni guti gambe lihure ni wupumbu. Nyi di wona gambe gukheni satshavbo sesi gu tutuma hwane nya phuvbo yi vbindrago.

Muhevbudzi 2:11

Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.

Muhevbudzi 2:22

Olu lithonga latshavbo nya muthu ni gu dzi garadza gwaye mithumoni ya mafuni, ina yi phaside ginani?

Muhevbudzi 3:16

Hwane nya isoso, nyi wonide gambe esi mafuni momu; guvivba gu di fuma wulangani nya wulamuli, ni gighoho gi fuma wulangani nya gululame.

Muhevbudzi 4:2

Eni nyi di, kheni: Va kategide avo va fudego gale guvbindra avo va vbanyago olu.

Muhevbudzi 4:3

Avo va kategidego ngudzu khu vale va ngamba velegwa, va ngamba wona mithumo yeyi nya guvivbe yi girwago mafuni momu.

Muhevbudzi 6:9

Nya sadi khu gu wona silo khu maho, guvbindra gu si dogorela khu monyo. Aholu esi niso gu dzi pfhadza, kha si phasi gilo, gututuma hwane nya phuvbo yi vbindrago.

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Jona 4:3

Khu guralo, uwe Pfhumu Nungungulu, nyi ngu gu lomba u nyi songe, kholu i tshukwana gufa guvbindra guvbanya.”

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”

Habhakuka 1:3

Khu ginani u nyi yeyedza guvivba, ni gu nyi wonisa tshanisa? Kholu gumbembiswa ni gusasedwa somo mbeli gwangu; vomo gambe va wusago mayunga ni gu ganedzisana.

Mitengo 11:15

A gu bani nari kharato, nyi ngu gu lomba u nyi songe, gasi nya gu bani na nyi manide wuhigo mahoni gwago, nyi nga woni tshanisa yeyi.”