Muhevbudzi 12:7 - Bhibhiliya Nya Guage

⁷ Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Muhevbudzi 12:7 Iomraidhean Croise

Genesi 18:27

Aholu, Abrahama a di engedza gambe gu lomba, khuye: “Nyi na tiya gu ganela ni Pfhumu yangu, eni nyi gu si wa gilo, nyi gu kudzudzwane ni nguma basi.

Genesi 2:7

Khu guralo, Pfhumu Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Joba 20:11

Ambari marambo yaye na ma nga tiyide khu kotani nya wudzaha a ngarigu navo, tshivba yaye va na mu dzinga nayo thowoni.

Joba 7:21

Khu ginani u si nyi pweligo sihoso sangu ni gu futa sighoho sangu, na? Kholu nyi na dzegela gulala ngumani, u nyi vbweta u si nyi mani gambe.”

Dzindzimo 103:14

Kholu a ngu dziti edzi hi wumbidwego khidzo, a ngu alakanya gukhuye ethu hi libumba basi.

Dzindzimo 104:29

Wa gu si sihela khovbe yago, iso sa gu vbela tshivba; wa gu si dzegela hefemulo, iso sa gufa, si bwelela si khala gambe kudzudzwane.

Dzindzimo 146:4

Wa gu vbindra hefemulo wawe, va gu wuya va khala kudzudzwane; ga ilo litshigu, ma gu hegisa guralo makungo yawe yatshavbo.

Dzindzimo 31:6

Eni nyi ngu va nyenya avo va khozelago vanungungulu nya liphanga; gasi eni nya gu tumba uwe Pfhumu Nungungulu.

Dzindzimo 90:3

Uwe u ngu bweledza muthu a khala nguma, u mu embela, khuwe: “Bwelelani mafuni enu sanana nya vathu.”

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Jeremiya 38:16

Khu guralo, mufumeli Zedhekiya a di sambanya ga Jeremiya khu gisihaledza, khuye: “Nyi ngu sambanya khu Pfhumu Nungungulu a vbanyago, mugiri nya hefemulo wathu, gukheni kha nyi na nga gu songa, gambe kha nyi na gu ningela mandzani ga vama vava va vbwetago gu gu songa.”

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 27:16

“Pfhumu Nungungulu, Uwe U gu Nungungulu u ningago guvbanya sivangwa satshavbo, hatha mwama nya gukari gasi gu khala muthangeli nya tshangano yoyu,

Luka 23:46

Jesu a di khusedza lito khu tshivba ni tshivba, khuye: “Baba, mandzani gwago nyi ngu ningela hefemulo wangu.” Na ganede esi, a difa.

Mithumo 7:59

Na gu pfarwa khu siwindri Sitefane a di lombelela, khuye: “Pfhumu Jesu hakha hefemulo wangu!”

Vahebheru 12:23

Enu mu vbohide tshanganoni nya wukhongolo ni libandla nya sanana nya matiwula sa Nungungulu, sile malina yawe ma lovidwego ndzadzini. Enu mu vbohide ga Nungungulu a gu mulamuli nya vathu vatshavbo, ni ga maphuvbo ya vale va lulamidego va vbelela.

Vahebheru 12:9

Vavelegi vathu nya giwuthu va di gu hi kawuka, ethu hi di va ninga githawo. Ina hi mwalo fanelo nya guyingele khu githawo ngudzu Babe wathu nya liphuvbo, gasi hi mane guvbanya, gani?