Muhevbudzi 12:3 - Bhibhiliya Nya Guage

³ litshigu dzighadhi nya ndranga yago dzi na gu phela gu ndrendremela, dzindrena dzi pilega hwambo, ni vatshindri va ema kholu a gu vadugwana, ni avo va kheviselago khu sihogo va si woni;

Muhevbudzi 12:3 Iomraidhean Croise

Genesi 27:1

Isaki a di gumbide ngudzu. Maho yaye ma di garade, ma di si woni. A di rana Esawu, gyanana gyaye nya matiwula, a mu embela, khuye: “Mwanangu!” Uye a di hakha, khuye: “Nyi womo avba.”

Genesi 48:10

Khu lisine, maho ya Israyeli, ma di garade khu gu gumba, ma di si woni gwadi. Josefa a di va embela va hidzimela ga Israyeli, uye a di va bhejari a va wugarela.

Dzindzimo 102:23

Uye a nyi vbedzide tshivba vbakari nya ndzila, a rodzisa matshigu yangu nya guvbanye.

Dzindzimo 35:14

nyi di gira bwelebwele guya va holela nga khwatshi nya gu tshanisekela pari mwendro ndriyangu; nyi lila, nyi noga vbavbatshi nga uye a lilago mayi waye.

Dzindzimo 38:6

Nyi nogide ngudzu nyi gamega guvbindra pimo, litshigu latshavbo nyi gimbila na nyi gu lila.

Zakariya 8:4

Pfhumu Nungungulu nya Tshivba Yatshavbo a ngu ganela kharati, khuye: “Gu nga na gu manega mitendrelani ya Jerusalema sikhosane nya vama ni vanyamayi, moyo ni moyo na pharide mandzani gwaye, ndronga nya tshetengelo, khu kota nya guandre nya matshigu yawe nya guvbanye;

1 Samuweli 3:2

Tshigu mwedo, muphasi nya mhamba Eli, a di lade wulangani gwaye, maho yaye ma di gu phela gupfhupela, ma si woni gwadi,