Muhevbudzi 12:13 - Bhibhiliya Nya Guage

¹³ Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Muhevbudzi 12:13 Iomraidhean Croise

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

1 Dzipfhumu 2:3

Vegedza ni gu landrisa milayo ya Pfhumu Nungungulu wago; gimbila khu dzindzila dzaye ni gu vegedza sileletelo saye, ni milayo yaye, gululama gwaye ni wufakazi waye, kha nga si lovidwego umo nya Nayo wa Mosi, gasi u kodza gugengela ni gudugelela ga satshavbo u na si girago, ni evbini avbo u na hongolago.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Mavingu 19:23

Guthava Pfhumu Nungungulu ndzila yiyago guvbanyani, uye a mu ningago githawo a na khala na tsakide nyamba mana dzimhango.

Mavingu 23:17

Monyo wago wu nga dogoreli sighohi, aholu uwe thava Nungungulu gikhati gyatshavbo.

Muhevbudzi 2:3

Nyi di pimisa khu monyoni gwangu gu dzi tsakisa khu gu sela wadwa nya vbinyu, mapimo yangu na ma nga gu thumisa guti, eni nyi di dzi gira gipumbu na nyi zama gu dzi pengisa kala nyi wona sanana sa vathu esi si va tshambelago gu si gira omu mafuni khu matshigu madugwana nya guvbanye gwawe.

Muhevbudzi 3:14

Nyi ngu dziti gukheni, satshavbo a girago Nungungulu, si na simama kala gupindruga nyamba engedzedwa ambari gu vbungudwa gilo. Nungungulu giride esi gasi vathu va mu ninge githawo.

Muhevbudzi 5:7

Kha nga dzindroro nya dzingi dzi gumba phasa gilo, kharato nugo guganela nyamba khedza hwane. Khu guralo, uwe thava Nungungulu.

Muhevbudzi 6:12

Gasi khu mani atigo iso si tsakisago muthu guvbanyani gwaye, matshiguni nya guvbanye gwaye nyamba phasa gilo, ayo ma vbindrago nga mwedzi? Mwendro khu mani a na gu embelago iso si na gu dugelela muthu hwane nya guvbanye gwaye mafuni momu.

Muhevbudzi 7:18

Gwadi gu dzi vegisa ga gilo gegi, aholu u si hambani gambe ni gimbe; kholu uye a thavago Nungungulu, a ngu dugelela ga satshavbo.

Muhevbudzi 8:12

Gighohi gya gu ghoha lizana dzinyondro, ambari gya gu vbanya matshigu nya gutale mafuni, eni nyi ngu dziti khu lisine gukheni avo va thavago Nungungulu va na dugelela, kholu va ngu mu thumela.

Muhevbudzi 8:5

Uye a landrisago milayo, gima kha na wona guvivba; muthu nya guti, a ngu giti gikhati ni magirelo.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Luka 1:50

Wuhindzi waye wu ngu thaphela mimela ni mimela ya vale va mu ningago githawo.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 4:10

U nga divaledwi khu litshigu u nga bani uri mbeli ga Pfhumu Nungungulu wago, gigomoni ga Horebhi, gikhati Pfhumu Nungungulu a nyi embedego, khuye: Tombanisa vathu vatshavbo, gasi va tapwa magana yangu, gasi va hevbule gu nyi ninga githawo matshigu yatshavbo va na vbanyago mafuni, ni gu ma hevbudza ga sanana sawe.

Dhewuteronome 4:2

Mu nga engedzeli gilo ga magana nyi mi rumago, gambe mu nga vbunguli gilo, gasi mu vegedze sirumo sa Pfhumu Nungungulu wanu, kha nga edzi nyi mi ningago khidzo.

Dhewuteronome 6:2

Khu guralo, u fanede gu thava Pfhumu Nungungulu wago, u vegedza milayo yaye yatshavbo ni sirumo nyi gu leletelago, uwe gumogo ni sanana sago ni situgulwana sago, matshigu yatshavbo nya guvbanye gwago; gasi matshigu yago ma engedzedwa.

1 Pedro 2:17

Vegani githawo ga vathu vatshavbo, haladzani vandriyanu nya gukhodwe, thavani Nungungulu mu vega githawo ga mufumeli.

Gutuledwa 19:5

Khu vbagikhalotunu nya mufumo gu di duga lito, khilo: “Rungudzani Nungungulu wathu, enu mwatshavbo sithumi saye, enu mu gu ni githawo gwaye, nya vadugwana ni vakhongolo.”

1 Samuweli 12:24

Igyo gi vbwetegago, ningani githawo Pfhumu Nungungulu, mu mu thumela na mu tumbegide khu monyo wanu watshavbo; kholu, mu wonide silo sesi nya sikhongolo a giridego.