Muhevbudzi 11:8 - Bhibhiliya Nya Guage

⁸ Muthu a gu vbanya myaga nya gutale, gumogo ni gutsaka gwadi, a na alakanye matshigu nya gidema a gu mangi ngudzu guvbindra nya gutsake. Satshavbo gu dzi pfhadza kha si phasi gilo.

Muhevbudzi 11:8 Iomraidhean Croise

Joba 10:21

na nyi si khugi, gasi nyiya wulanga nyi na gumba wuya gambe, tigoni nya gidema ni mutsani nya lufu;

Joba 10:22

tigoni nya gidema, gukhwatshi vbakari nya wutshigu, mutsani nya gufe nya pfilupfilu nya yikhongolo, avbo guwonegela gu fananago ni gidema.”

Joba 14:10

Gasi muthu a gufa a vbeledwa khu tshivba, gu duga hefemulo waye, gasi a guya hayi?

Joba 14:12

kharato nugo muthu a ngu lala a si wugi, ndzadzini gu si manegi gambe, uye kha na khendzuga, ambari gu wuga khu ligovbeni gwaye.

Joba 15:23

A gu legalega a vbweta guhodza na gukhuye: Gomo hayi? Kholu a ngu dziti gukhuye, litshigu nya gidema lomo vbafuvbi gwaye.

Joba 18:18

Va na duswa guwonegelani va rinywa mugidemani; va lundrwa tigoni gwatshavbo.

Dzindzimo 49:20

Muthu a tadego khu dzithomba aholu na si pimisi, a gu fanana ni sirengo sifago.

Muhevbudzi 11:2

Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Muhevbudzi 2:15

Nyi di dzi wudzisa nyabune, gukheni: “Kha nga olu mahegiso yangu ma fananago ni ya gipumbu, gasi wugengeli wangu wa gu phasa ginani?” Khu guralo, nyi wonide gukheni ogu gambe gu dzi pfhadza.

Muhevbudzi 2:17

Khu guralo, nyi di venga guvbanya, khu gu wona gukheni satshavbo si girwago mafuni kha si phasi gilo gututuma hwane nya phuvbo yi vbindrago basi.

Muhevbudzi 2:19

Khu mani a dzitigo gukhuye muthu yoyu a na bani ari gigengeli mwendro gipumbu? Khuye a na fumelago thumo wangu watshavbo owu nyi dzi garadzidego khuwo, nyi yeyedza guti gwangu mafuni momu. Isoso niso gu dzi pfhadza.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 4:16

Vathu a nga bani a va thangela va diri vangi guvbindra tengo. Aholu avo vatago khu hwane gwaye kha va na nga mu tsakela. Satshavbo sesi gu dzi pfhadza ni gututuma hwane nya phuvbo yi vbindrago.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 6:11

Avbo gu guromo guganedzisana, gomo gambe gu dzi pfhadza, gasi muthu a gu phasega khu ginani khu isoso?

Muhevbudzi 6:6

Ina, ambari na vbanyide magumavili mazana (2.000) myaga, aholu na sapwa gutshamba khu thumo waye, uye gumogo ni gyanana, vatshavbo kha va hongoli dangamwedo, gani?

Muhevbudzi 7:14

Tsaka khu matshigu nya makategwa; aholu khu matshigu nya gutshaniseke alakanya Nungungulu a giridego eli litshigu ni lile, gasi muthu a si tuguli iso si natago khu hwane gwaye.

Muhevbudzi 8:12

Gighohi gya gu ghoha lizana dzinyondro, ambari gya gu vbanya matshigu nya gutale mafuni, eni nyi ngu dziti khu lisine gukheni avo va thavago Nungungulu va na dugelela, kholu va ngu mu thumela.

Muhevbudzi 8:15

Khu guralo, eni nyi ngukheni, gutshambide vathu va gu mana gutsaka mafuni momu, kholu gi mwalo gimbe gilo gi gu gyadi ga muthu guvbindra gu hodza, u sela, u nengela. Isoso si fanede gu mu bangaladza thumoni gwaye matshiguni yaye a ningidwego guvbanya khu Nungungulu mafuni momu.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Matewu 22:13

Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Johane 12:35

Khavbo avbo, Jesu a di va embela, khuye: “Gikhati gegi mu ngari ni guwonegela; gimbilani na mu ngari ni guwonegela gasi mu si manwi khu gidema. Uye a gimbilago gidemani kha guti umo a yago.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”