Muhevbudzi 11:7 - Bhibhiliya Nya Guage

⁷ Guwonegela gu ngu rudzisa monyo, maho nayo ma gu tsaka khu gu wona lidambo.

Muhevbudzi 11:7 Iomraidhean Croise

Joba 33:28

Nungungulu tshudziside hefemulo wangu a wu himbedzela gu relela phalani nya vafi; nyi nga na gu simama gu wona gungangamela nya lidambo.

Joba 33:30

gasi gu dusa mihefemulo yawe phalani nya vafi, a yi vbanyisa khu wenengedzo nya avo va vbanyago.

Dzindzimo 56:13

Khu guralo, u vbulugiside hefemulo wangu tshivbani nya lufu, khwa dzumedzisa gukhuwe nyi tshunganela nyi thega, nyi gimbile mbeli gwago Nungungulu, gasi nyi gimbila wenengedzoni nya guvbanye.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Mavingu 15:30

Iso si tsakedwago khu maho, sa gu tsakisa monyo, ni mahungu nya yadi, ma gu tiyisa marambo.

Mavingu 29:13

Gisiwana ni mutshanisi, va ngu tshangana gumogo; aholu Pfhumu Nungungulu khuye a wenengedzago maho yawe vatshavbo.

Muhevbudzi 12:2

na gu si gu pfhupheli lidambo, ngima ni dzinyeledzi, ma wuya mapfhi hwane nya gu bani yi wide ndzadzi;

Muhevbudzi 6:5

ambari gi ngamba wona lidambo, gumogo ni gu liti, igyo gi ngu hefemula gurulani guvbindra uye.

Muhevbudzi 7:11

Guti gu na ni lisima gu fanana ni thomba, gu ngu phasa vatshavbo va vbanyago mafuni.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.