Muhevbudzi 11:5 - Bhibhiliya Nya Guage

⁵ Kha nga olu u gumba yiti ndzila nya phuvbo, ni idzo gu wumbwago khidzo marambo girumbuni ga nyamayi a gu ni mimba, khu kharato gambe mithumo ya Nungungulu, a girago satshavbo, khu yeli gu yiti.

Muhevbudzi 11:5 Iomraidhean Croise

Joba 37:23

Mwalo uye a kodzago gu hidzimela ga Uye a gu na ni Tshivba Yatshavbo, Uye khongolo a na ni tshivba tade khu gululama, gima kha tshanisi muthu.

Joba 38:4

U diri hayi uwe gikhati nyi nga wumba litigo? Nyi tshamusele, wa gu bani na wuri ni guti.

Joba 5:9

Uye giride silo nya sikhongolo si samadzisago, ni siliwugiso nyambana tengo.

Dzindzimo 104:24

Uwe Pfhumu Nungungulu sigiro sago si tade! U si giride satshavbo khu guti ni mapimo, litigo li tade khu sigiro sago.

Dzindzimo 40:5

U hi girede siliwugiso nya singi, Uwe Pfhumu Nungungulu wangu, mwalo muthu a fananago ni uwe, khu makungo u giridego nya guphasedzele ethu; eni nya gu gola gu ma pwadza nyi ma tivisa, aholu ma tade ngudzu nyamba kodza ni gu sayedwa.

Dzindzimo 92:5

Pfhumu Nungungulu mithumo yago yikhongolo ngudzu! Mipimiso yago mi etide ngudzu!

Muhevbudzi 1:13

nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 1:6

Phuvbo ya gu furugedza yiya Marandzi, yi bwelo khavbo yi furugedza yiya Wuronga; yi enedza gwatshavbo khu gu dzundrulugela, yi simama ni thumo waye nya gudzundrulugele yi hongola ni gu wuya.

Muhevbudzi 11:4

Uye a khedziselago dziphuvbo, gima kha yali, ni wule a khedziselago mapfhi, gima kha na vbwera.

Muhevbudzi 3:10

Nyi wonide mithumo eyi Nungungulu a ningidego vathu gu va yi thuma.

Muhevbudzi 3:11

Silo satshavbo Nungungulu a si vegede gikhati gyaye; na vegide gambe myonyoni gwawe gu alakanya dzinango nyamba vbela; ambari kharato, mwalo muthu a wutigo thumo wu giridwego khu Nungungulu gukhugela guphela kala mahegiso.

Muhevbudzi 7:24

Iso si nga bani si romo; somo hwindzo ni ethu, si etide! Khu mani a na kodzago gu si pima?

Muhevbudzi 8:17

Khu guralo, nyi di wona thumo watshavbo wu giridwego khu Nungungulu mafuni momu gukheni vathu kha va kodzi gu wu pima ambari muthu a dzi garadzago khu gu wu vbwetedzela, kha dzi kodzi gu wu mana, ambari vale va gukhavo va gengede kha va wu mani.

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Johane 3:8

Phuvbo ya gu furugedza avbo yi gunago; uwe u gupwa ligwaha laye, aholu, u si guti umo yitago khumo, numo yiyago. Khidzo kharato vatshavbo va velegidwego khu Liphuvbo.”

Varoma 11:33

Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye?