Muhevbudzi 10:19 - Bhibhiliya Nya Guage

¹⁹ Guhodza gu ngu tshamba, ni wadwa wa gu tsakisa monyo, gambe satshavbo sa gu manwa khu dzitsapawu.

Muhevbudzi 10:19 Iomraidhean Croise

Genesi 43:34

Josefe a di ruma gukhuye va theledzedwe guhodza gu nga bani guromo mbeli gwaye; aholu Bhejami a di thedwa livbandre dzinyondro guvbindra vakwawe. Va di sela gumogo va nengela naye.

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

1 Dzikoronika 21:24

Dhavhidhe a di engedza a ganela ni Orinani, khuye: “Ahihi; nya gu vbweta gu renga khu tengo u na wu ranago; kholu kha nyi vbweti gu dzega iso a gu sago nyi ningela Pfhumu Nungungulu, ambari gu ningela miphaso nya guvbiswe nyamba yipwa wuvi.”

Ezira 1:6

Vatshavbo va nga bani vari vaakelane vawe, va di ya va seketela khu gu ya va ninga sombo nya parata, nya ndralama, silo, dzimombe ni sombo nya lisima; vbavbandze nya iso va nga bani va gu ningela khu guhaladza gwawe.

Nehemiya 5:8

Nyi va embela, kheni: “Ethu hi tshudziside khu tshivba yathu yatshavbo vandriyathu nya Vajudha va nga bani va rengisidwe ga va nya mayigo; gasi enu mu ngu rengisa vandriyanu gasi va rengwe khethu, gani?”

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Muhevbudzi 2:3

Nyi di pimisa khu monyoni gwangu gu dzi tsakisa khu gu sela wadwa nya vbinyu, mapimo yangu na ma nga gu thumisa guti, eni nyi di dzi gira gipumbu na nyi zama gu dzi pengisa kala nyi wona sanana sa vathu esi si va tshambelago gu si gira omu mafuni khu matshigu madugwana nya guvbanye gwawe.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Isaya 23:18

Aholu bhindzu nya wurengisi ni wubhayi waye, yi na phasedwa ga Pfhumu Nungungulu; gima kha yi na hengeledzedwa musisangalani ambari gu vegwa kha nga thomba. Yi na thumela gu hodzisa ni gu ambagisa nya dzadi vale va vbanyago mbeli ga Pfhumu Nungungulu.

Isaya 24:11

Vathu va gu lila mudzindzilani khu gu hamugega vbinyu; gutsaka gwatshavbo gu vbede, yi fuvisidwe mihagano yatshavbo ya mafuni.

Matewu 17:27

Ambari ulo, gasi hi si tshunganisi muthu, indra phwani uya lova. Ndzandzi u na gu phelago khiyo gu mola, yi tule likana, u na mana dzitsapawu. Dzi dzege uya livba khidzo khupho wago ni wangu.”

Matewu 19:21

Jesu a di mu embela, khuye: “Wa guvbweta gu khala muthu a vbeledego, indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya isoso, delu uta nyi landrela.”

Luka 12:19

Khavbo avbo, nyi na embela hefemulo wangu, kheni: Hefemulo wangu, u nga saniseki; hodza, sela, tangala, kholu u fumide thomba u na hodzago myaga nya mingi.’

Luka 16:9

Eni neni nyi ngu mi embelani, kheni: Thangani wupari khu dzithomba dza tigoni momu, gasi na dzi vbede, mu ya hakhwe khu dzipari dzodzo Ndzadzini.

Luka 8:3

Jowana, ngadza Kuza, muthangeli nya madhota ya Herodhi; Suzana, ni vambe nya gutale, va nga bani va gu phasa Jesu khu silo sawe.

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

Mithumo 2:45

va di rengisa sipeto ni dzithomba dzawe va gu kabanisela tengo wakone gu khedza khu sigaradzo nya muthu ni muthu.

1 Pedro 4:3

Gale enu mu luzide gikhati nya gingi khu gu girani esi va nya mayigo va si golago gu gira. Gikhati gyogyo, enu mu di gu vbanya wubhayini, ni gudogolela nya givili, ni wubewudzi, ni limidzo, ni guleva, ni gunyenyeza gwatshavbo nya gukhozele vanungungulu nya malipha.

Valamuli 14:10

Avbo babe waye a nga relelago gaya ga nyamahegyana, Samisoni a di gira vbale buzo nya khongolo ngudzu, kholu madzaha ma di gu olovela gu gira kharato.

Valamuli 9:13

Khu guralo, uvha wu di va embela khuwo: Gu ngu kodzega gu eni nyi hambana ni vbinyu yangu, iyo yi tsakisago Nungungulu gumogo ni vathu, nyi ya khala mufumeli nya misimbo, gani?

1 Samuweli 25:36

Avbo Abhigayili a nga bwelelago ga Nabhali, a diya mu mana na gu gira buzo nya nga wa mufumeli, na tsakide ngudzu monyoni gwaye, kholu a di levide ngudzu, Abhigayili kha nga mu embela gilo kala gugya.