Muhevbudzi 10:14 - Bhibhiliya Nya Guage

¹⁴ Gipumbu gya gu laphisa magana; gambe muthu a ngu hangwa khiso si tago khu mbeli; gasi khu mani a na gu mu embela iso si na gu mu dugelelago hwane gwaye?

Muhevbudzi 10:14 Iomraidhean Croise

Joba 34:37

Kholu gighoho gyaye gya gu engedzelana gu hi wugela, a khwakhwathela mandza yaye avbo gwathu a engedzela gu wugela Nungungulu khu magana yaye.

Joba 35:16

uwe Joba, wa gu dzegela gutula likana lago, u ganela magana nyamba phasa gilo, u wungedzela magana nya wupumbu avbo gwaye.

Mavingu 10:19

Muthu nya guganele ngudzu, kha vhiki gighoho, aholu uye a vegedzago likana laye, muthu nya mapimo.

Mavingu 15:2

Lidimi la va nya gugengela la gu mburisa guti, gasi magana ya va nya guvivbedwa khu monyo, ma gu gamba wupumbu.

Muhevbudzi 10:15

Gipumbu gya gu garadzwa khu thumo waye, kholu kha gi yiti ndzila nya guye dhoropani.

Muhevbudzi 3:22

Khu guralo, nyi wonide gukheni gu mwalo gunengela nya gukhongolo ga muthu guvbindra gu uye a dzi tsakela khu mithumo yaye, owu khuwo tshatshazelo waye. Kholu khu mani a na gu mu wuyisago gasi guta wona iso si na gu dugelelago khu hwane?”

Muhevbudzi 5:3

Kha nga dzindroro dzitago khu mithumo ya yingi, magana nya wupumbu ma gu pwala khu gu ganela ngudzu.

Muhevbudzi 6:12

Gasi khu mani atigo iso si tsakisago muthu guvbanyani gwaye, matshiguni nya guvbanye gwaye nyamba phasa gilo, ayo ma vbindrago nga mwedzi? Mwendro khu mani a na gu embelago iso si na gu dugelela muthu hwane nya guvbanye gwaye mafuni momu.

Muhevbudzi 7:14

Tsaka khu matshigu nya makategwa; aholu khu matshigu nya gutshaniseke alakanya Nungungulu a giridego eli litshigu ni lile, gasi muthu a si tuguli iso si natago khu hwane gwaye.

Muhevbudzi 8:7

Kholu uye kha giti ginani gi na mu dugelelago. Ni guti gukhuye khu mani a na gu mu tivisago edzi silo si na mu dugelelago khidzo.

Muhevbudzi 9:1

Satshavbo nyi di pimisa monyoni gwangu, nyi wona gukheni: Avo va lulamidego, ni vale va gengedego, vatshavbo mithumo yawe yomo mandzani gwa Nungungulu, ni gu gambe vathu kha va siti iso si tago khu mbeli gwawe; gani lihaladzo mwendro livengo. Satshavbo si ngu girega.

Ezekiyeli 35:13

Mu dwanide ni eni khu likana lanu, mu engedzela magana nya gu nyi vale; eni nyi ma pwide.