Muhevbudzi 10:13 - Bhibhiliya Nya Guage

¹³ Guphela nya magana yaye khya wupumbu, ni ayo nya guhegise khya gu handruga.

Muhevbudzi 10:13 Iomraidhean Croise

2 Samuweli 19:41

Vama vatshavbo va na Israyeli va dita ga mufumeli vata, khavo: “Khu ginani vandriyathu va na Judha va dzudego vonga vata gu dzega, va tshatuga ni mufumeli ni lipango laye Joridhani gumogo ni vathu vatshavbo va Dhavhidhe?”

2 Dzipfhumu 6:27

Uye a di mu embela, khuye: “Pfhumu Nungungulu a gumba gu vbanyisa, eni nyi na gu vbanyisa khu ginani; khu iso si dugago khu vbagithalatunu mwendro khu iso si dugago khu mugighowoloni, gani?”

2 Dzipfhumu 6:31

Khavbo avbo, uye a di ganela, khuye: “Nungungulu a na nyi vete khu tshivba, muhuno hungo wa Elizewu, mwamana wa Safati, wa gu simama wu khala magatani gwaye.”

Mavingu 13:16

Muthu nya mapimo a gu thumisa guti, aholu gipumbu gya gulaledza guhandruga gwaye.

Mavingu 29:9

Muthu nya mapimo a gu ketsarana ni gipumbu, ambari a gu goroga mwendro guhegela, gima kha gu manegi gurula.

Muhevbudzi 10:14

Gipumbu gya gu laphisa magana; gambe muthu a ngu hangwa khiso si tago khu mbeli; gasi khu mani a na gu mu embela iso si na gu mu dugelelago hwane gwaye?

Muhevbudzi 5:2

U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.

Muhevbudzi 7:25

Nyi di dzi ningela khu monyo wangu watshavbo gu vbweta wugengeli ni tshamuselo yaye, nyi di khedza ni gu linga gupwisisa, nyi wonide gukheni gu gira mithumo nya guvivbe, lihure ni wupumbu, kha si phasi gilo.

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Luka 11:38

Mufarisi a di liwuga khu gu mu wona gu khala vbamezatunu nyamba phela khu gu hamba mandza.

Luka 6:11

Avo va di tala khu giviti, na va gu wudzisana khu gyawe, khavo: “Ginani hi na gu girago khu Jesu?”

Luka 6:2

Vafarisi nya gukari va di khavo: “Khu ginani mu girago iso si himbedzedwago khu litshigu nya Sabhadho?”

Johane 12:10

Vakhongolo nya vaphasi nya mhamba va di hunga gikungo nya gusonge nuye Lazaro.

Valamuli 14:15

Avbo gu nga vbindrago livbandre na mavili matshigu, va di embela ngadza Samisoni, khavo: “Gurumedza mwama wago a hi ninga tshamuselo nya tekatekane, wa gumba gira kharato, uwe ni va na gyanu hi na mi vbisa khu nilo. Mu di hi ranani gasi guta hi dzegelani iso si hi lumbago, na?”