Muhevbudzi 1:9 - Bhibhiliya Nya Guage

⁹ Iso si nga bani si romo khu gale si na simama siri kharato; iso si nga bani si giridwe si na bwelo khavbo si girwa; gi mwalo gilo gi gu giphya mafuni.

Muhevbudzi 1:9 Iomraidhean Croise

Muhevbudzi 1:10

Ga gu ganedwa khu gilo nya gukari, khavo: “Wona, egi gilo giphya!” Malipha, igyo gi diri khu gale.

Muhevbudzi 2:12

Khu guralo, nyi di wuya nyi khedzisa gambe gwadi guti, lihure ni wupumbu; kholu muthu a landrelago mufumeli a nga gira ginani, guvbindra esi si giridwego khu gale.

Muhevbudzi 3:15

Sile si nga bani si romo khu gale niso si guromo olu, niso si na giregago, si manegide khu gale; Nungungulu a gu wuyisa nyaluphye iso si nga bani si vbindride.

Muhevbudzi 6:10

Satshavbo si dugelelago si diri ni malina khu gale; hi ngu dziti gukhethu muthu ginani ni gukhethu muthu nya nyalidade kha dzi kodzi gu ganedzisana ni wule a gu na ni tshivba guvbindra uye.

Muhevbudzi 7:10

U nga ganeli, khuwe: “Khu ginani dzinango dza gale dzi nga bani dziri dzadi guvbindra dza muhuno?” Kholu mapimo yoyo, khandri mapimo nya guti.

Isaya 43:19

Wonani nya gukhenu nyi na gira gilo nya giphya, gi na dugago mu gi wona; ina kha mu si woni, gani? Wonani nya gukhenu nyi tude ndzila giwulani, nyi pola mitsongo mafuni nya gihala.

Jeremiya 31:22

Kala lini nu nga gu legalega, uwe nyamahegyane nyamba yingisa? Wona nya gukhuwe Pfhumu Nungungulu vegide gilo nya giphya tigoni, nyamayi nyamba tumbega a na dzi vbwetela mwama.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

Gutuledwa 21:1

Khavbo avbo, nyi di wona Ndzadzi nya yiphya ni litigo liphya. Kholu, ndzadzi nya guhegule ni litigo nya guhegule si di vbindride, ni yiphwa yi di mwalalegide.

Gutuledwa 21:5

Wule a khadego vbagikhalotunu nya wufumu a di tivisa, khuye: “Eni nyi ngu gira siphya silo satshavbo.” A engedza gambe, khuye: “Lova kholu magana yaya ma tumbegide, gambe khya lisine.”