Muhevbudzi 1:3 - Bhibhiliya Nya Guage

³ Gasi giphaso muni muthu a gi manago khu thumo watshavbo a thumago vbavbatshi nya lidambo, na?

Muhevbudzi 1:3 Iomraidhean Croise

Muhevbudzi 2:11

Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.

Muhevbudzi 2:18

Nyi di venga thumo wangu watshavbo, nyi dzi garadzidego khu gu thuma mafuni momu; kholu bhindzu yakone yi nata manwa khu vale va na tago khu hwane gwangu.

Muhevbudzi 2:19

Khu mani a dzitigo gukhuye muthu yoyu a na bani ari gigengeli mwendro gipumbu? Khuye a na fumelago thumo wangu watshavbo owu nyi dzi garadzidego khuwo, nyi yeyedza guti gwangu mafuni momu. Isoso niso gu dzi pfhadza.

Muhevbudzi 2:22

Olu lithonga latshavbo nya muthu ni gu dzi garadza gwaye mithumoni ya mafuni, ina yi phaside ginani?

Muhevbudzi 3:9

Giphaso muni a gi manago muthu khu gu dzi garadza gwaye?

Muhevbudzi 4:3

Avo va kategidego ngudzu khu vale va ngamba velegwa, va ngamba wona mithumo yeyi nya guvivbe yi girwago mafuni momu.

Muhevbudzi 4:7

Nyi di engedza nyi wona gambe gu dzi pfhadza ga mafuni momu:

Muhevbudzi 5:16

Avbovbo wusiwana nya wukhongolo ngudzu ga muthu a bwelelago nga idzo a dzudego khidzo. Gasi gu dzi garadza gwaye gu mu phaside ginani?

Muhevbudzi 5:18

Nyi wonide gambe gukheni; gwadi gu muthu a hodza, a sela, a tsaka a khalega gwadi khu thumo waye a giridego mafuni momu matshiguni nya guvbanye gwaye a ningidwego khu Nungungulu. Kholu, khiso esi a ningidwego iso.

Muhevbudzi 6:12

Gasi khu mani atigo iso si tsakisago muthu guvbanyani gwaye, matshiguni nya guvbanye gwaye nyamba phasa gilo, ayo ma vbindrago nga mwedzi? Mwendro khu mani a na gu embelago iso si na gu dugelela muthu hwane nya guvbanye gwaye mafuni momu.

Muhevbudzi 7:11

Guti gu na ni lisima gu fanana ni thomba, gu ngu phasa vatshavbo va vbanyago mafuni.

Muhevbudzi 9:13

Mafuni momu, nyi wonide gambe wumbe wugengeli nya gusamadzise.

Muhevbudzi 9:3

Ogu khu guvivba gu guromo vbakari nya silo si girwago mafuni momu. Gu vatshavbo va mana mahegiso nya idzosaye. Khu guralo, myonyo ya vathu yi tade khu guvivba, gukhwatshi va di handruga guvbanyani gwawe; khu guhegisa va guya phalani nya vafi.

Muhevbudzi 9:6

Lihaladzo, livengo ni lidiwo lawe, satshavbo si fuvide. Kha va nga gu sayedwa gambe gilo khu iso si girwago mafuni momu.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Habhakuka 2:13

Ina kha guti khu ga Pfhumu Nungungulu nya Tshivba Yatshavbo, gukhuye vathu va gu thumela esi si na guvbyago khu nilo, va dzi garadza khu iso si si phasigo gilo, gani?

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

1 Vakorinto 16:16

Landrisani sihevbudzo sawe ni sa vambe va va phasedzelago gu thumela libandla.