Muhevbudzi 1:2 - Bhibhiliya Nya Guage

² Gu dzi pfhadza nya gu dzi pfhadze, a ngu ganela kharalo Muhevbudzi, gu dzi pfhadza nya gu dzi pfhadze! Satshavbo gu dzi pfhadza.

Muhevbudzi 1:2 Iomraidhean Croise

Joba 11:12

Gipumbu gi na mana mapimo, litshigu buru nya likhabi yi na velegago muthu.

Dzindzimo 144:4

Muthu a gu fanana ni phuvbo yi furugedzago, matshigu yaye nya guvbanye ma gu vbindra kha nga mutsa.

Dzindzimo 89:47

Dundruga gukhuwe womi wangu wu rode, muthu u mu wumbidego kha vbanyi matshigu nya gulaphe.

Muhevbudzi 11:10

Khu guralo, dusa gugaradzega gwa monyoni gwago, u hambana niso si na gu tshanisago mili wago, kholu wanana ni wudzaha gu dzi pfhadza, kha si phasi gilo.

Muhevbudzi 11:8

Muthu a gu vbanya myaga nya gutale, gumogo ni gutsaka gwadi, a na alakanye matshigu nya gidema a gu mangi ngudzu guvbindra nya gutsake. Satshavbo gu dzi pfhadza kha si phasi gilo.

Muhevbudzi 12:8

Gu dzi pfhadza, nya gu dzi pfhadze, a di ganela kharato Muhevbudzi, khuye: Satshavbo gu dzi pfhadza.

Muhevbudzi 2:11

Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.

Muhevbudzi 2:15

Nyi di dzi wudzisa nyabune, gukheni: “Kha nga olu mahegiso yangu ma fananago ni ya gipumbu, gasi wugengeli wangu wa gu phasa ginani?” Khu guralo, nyi wonide gukheni ogu gambe gu dzi pfhadza.

Muhevbudzi 2:17

Khu guralo, nyi di venga guvbanya, khu gu wona gukheni satshavbo si girwago mafuni kha si phasi gilo gututuma hwane nya phuvbo yi vbindrago basi.

Muhevbudzi 2:19

Khu mani a dzitigo gukhuye muthu yoyu a na bani ari gigengeli mwendro gipumbu? Khuye a na fumelago thumo wangu watshavbo owu nyi dzi garadzidego khuwo, nyi yeyedza guti gwangu mafuni momu. Isoso niso gu dzi pfhadza.

Muhevbudzi 2:21

Kholu muthu a dzi garadzago khu gu thuma khu wugengeli ni guti, a guta wona handro nya thumo waye na wu tshiyedwa uye a ngamba dzi garadza khu gu thuma; satshavbo sesi gu dzi pfhadza, kha si phasi gilo.

Muhevbudzi 2:23

Matshigu yaye yatshavbo khya gu garadzega, ni gu dzi garadza gwaye khwa wuvi, ni vbawutshigutunu kha mani guhefemula nya gwadi. Satshavbo sesi kha si phasi gilo, gu dzi pfhadza basi.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 2:8

Nyi hengeledzede gambe ndralama ni parata, ni thomba ya vafumeli nya sipandrengulu; nyi dzi hathede vaembeleli nya vama ni vanyamayi, ni iso si tsakisago vathu, a gu vagadzi nya vangi.

Muhevbudzi 3:19

Kholu mahegiso nya tshatshazelo nya vathu wu ngu fanana ni mahegiso nya tshatshazelo nya sirengo, kholu vatshavbo va ngufa gambe vatshavbo va na ni liphuvbo nya guvbanye, muthu kha pali girengo, khu guralo, satshavbo gu dzi pfhadza basi.

Muhevbudzi 4:16

Vathu a nga bani a va thangela va diri vangi guvbindra tengo. Aholu avo vatago khu hwane gwaye kha va na nga mu tsakela. Satshavbo sesi gu dzi pfhadza ni gututuma hwane nya phuvbo yi vbindrago.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 5:10

Muthu a golago dzitsapawu gima kha eneledwi khidzo, ni wule a golago dzithomba gima kha kodwi khu gughanya. Esi niso gu dzi pfhadza, kha si phasi gilo.

Muhevbudzi 6:11

Avbo gu guromo guganedzisana, gomo gambe gu dzi pfhadza, gasi muthu a gu phasega khu ginani khu isoso?

Varoma 8:20

Kholu sivangwa si fumedwe khu tshivba ya wule a si yisago gumbembani, nasiri khu gudzina gwa iso, aholu khu gugola gwa wule a nga si vanga,