Muhevbudzi 1:13 - Bhibhiliya Nya Guage

¹³ nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 1:13 Iomraidhean Croise

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Joba 28:3

Vathu va ngu fuvisa gidema khu guwonegela, va kela kala guetani nya mafu na va gu vbweta siwindri si si tidwigo khu vathu, si guromo vbavbatshi ngudzu.

Dzindzimo 111:2

Sigiro sa Pfhumu Nungungulu sikhongolo, si ngu tsakisa vatshavbo va si vbwetago.

Mavingu 18:1

Uye a dzi hambanisago ni vakwawe, a gu vbweta gu dzi tsakisa uye mune wurumba, a si dzumeli satshavbo iso si gu ni fanelo.

Mavingu 18:15

Muthu nya mapimo a ngu gola guti, a gu tsakela gu mana sihevbudzo ga vathu nya mapimo.

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Mavingu 25:2

Wudhumo wa Nungungulu khu gu siha silo nya gukari, aholu wudhumo wa vafumeli, khu gu zama gu tugula misiholo.

Mavingu 4:7

Guti gilo nya guphele, gu gole, zama khu satshavbo u gu naso gasi u mane wugengeli.

Muhevbudzi 1:17

Nyi dzi ningede khu monyo wangu gasi guti gwadi wugengeli, ni guti gambe lihure ni wupumbu. Nyi di wona gambe gukheni satshavbo sesi gu tutuma hwane nya phuvbo yi vbindrago.

Muhevbudzi 11:5

Kha nga olu u gumba yiti ndzila nya phuvbo, ni idzo gu wumbwago khidzo marambo girumbuni ga nyamayi a gu ni mimba, khu kharato gambe mithumo ya Nungungulu, a girago satshavbo, khu yeli gu yiti.

Muhevbudzi 12:12

Nya gikhongolo mwanangu, khegi: Gu mwalo mahegiso nya gugire mabhuku, gu hevbula ngudzu gwa gu hagadza givili.

Muhevbudzi 2:23

Matshigu yaye yatshavbo khya gu garadzega, ni gu dzi garadza gwaye khwa wuvi, ni vbawutshigutunu kha mani guhefemula nya gwadi. Satshavbo sesi kha si phasi gilo, gu dzi pfhadza basi.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 3:10

Nyi wonide mithumo eyi Nungungulu a ningidego vathu gu va yi thuma.

Muhevbudzi 3:11

Silo satshavbo Nungungulu a si vegede gikhati gyaye; na vegide gambe myonyoni gwawe gu alakanya dzinango nyamba vbela; ambari kharato, mwalo muthu a wutigo thumo wu giridwego khu Nungungulu gukhugela guphela kala mahegiso.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 7:25

Nyi di dzi ningela khu monyo wangu watshavbo gu vbweta wugengeli ni tshamuselo yaye, nyi di khedza ni gu linga gupwisisa, nyi wonide gukheni gu gira mithumo nya guvivbe, lihure ni wupumbu, kha si phasi gilo.

Muhevbudzi 8:9

Satshavbo sesi nyi si wone gikhati nyi nga pimisa khu mithumo yatshavbo yi girwago mafuni momu, muthu nya tshivba a gu fumela mumbe muthu gasi gu mu tshanisa.

1 Thimoti 4:15

Vegisa silo sesi, u si gimbidzisa khu ndzila ni lisine, gasi vatshavbo va wone mihandro nya gu dzi garadze gwago.