Mithumo 9:39 - Bhibhiliya Nya Guage

³⁹ Pedro a di dzegela gu khuga a gu hongola navo. Na vbohide, va di mu yisa nyumbani ga vbatshani; dzinoni dzatshavbo dzi di hidzimela vbafuvbi gwaye, dzi mu yeyedza dzingandzu ni myendra a nga sonago Tabhita, na nga gu vbanya navo.

Mithumo 9:39 Iomraidhean Croise

2 Samuweli 1:24

Enu vanyamahegyane va na Israyeli, lilani Sawule, a nga bani a mi ambagisa khu myendra nya siwunguwungu, a nga bani a mburisa dzingandzuni gwanu khu ndralama.

Mavingu 10:7

Mapimo ma tshidwego khu muthu nya gululame, ma gu resa gikategiso, aholu lina la muthu nya guvivbedwe khu monyo, la gu vbiredza gufuva,

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Matewu 17:17

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 26:11

Sisiwana mu na bani muri naso gikhati gyatshavbo; gasi eni kha nyi na pindruga nanu.

Marko 14:8

Uye giride khavbo a nga kodza khavbo: Hegulede gu todza mafura givili gyangu, gasi gu gi dongisela guya dzingwa.

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Johane 12:8

Sisiwana mu na bani muri naso kala gupindruga; gasi eni kha nyi na khala nanu gikhati gyatshavbo.”

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Mithumo 1:13

Na va bede dhoropani, va di lita nyumbani ga vbatshani, omu va nga bani va gu olovela gu khala: Pedro, Johane, Andreya, Filipi, Tomasi, Bharitolomewu, Matewu, Jakobe mwamana wa Alifewu ni Simoni Zelote, ni Judha mwamana wa Jakobe.

Mithumo 20:35

Nyi mi yeyedzide khu magirelo yatshavbo gukheni, mwa gu thuma khu mawogo yanu khavbo mu na kodzago gu phasedzela vale va keneledwago. Dundrugani magana ya Pfhumu Jesu a gukhuye: ‘Kategide ngudzu oyu a ningago guvbindra oyu a hakhago.’ ”

Mithumo 6:1

Khu matshigu yale, tengo nya vathu va nga dzumela gu khodwa, wu di gu engedzelana litshigu ni litshigu. Gu di manega gisolo tsawani nya Vagreki va gu phela gu wugela tsawa nya Vahebheru. Kholu sifurugadzi nya tsawa nya Vagreki si di gu divadwa gikhatini nya gukabaniswe silo nya siphasedzelo.

Mithumo 8:2

Gikhati gyogyo, vathu nya githawo ni Nungungulu va di dzinga Sitefane va gira gililo nya gikhongolo.

Mithumo 9:41

Pedro a di mu phara khu mandza, a mu phasa gu khuga a ema. Khavbo avbo, a di rana sihathwa ni dzinoni a va ninga muthu wawe na gu vbanya.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

Vaefeso 4:28

Oyu a nga bani a guba, a ngabi gambe, a na thume afela guvbanya khu mihandro nya lithonga laye, ni gu mana esi nya guphasedzele khiso sisiwana.

1 Vatesalonika 1:3

Hi ngu mati gwadi mavbanyelo nya gukhodwe gwanu, ni gu dzi garadza gwanu khu lihaladzo, ni gutiya gutumbani gwanu mu gu nago khu Pfhumu yathu Jesu Kristo, mbeli ga Nungungulu Babe wathu.

1 Vatesalonika 4:13

Vandruye, kha hi vbweti mu khale gidemani khu mahungu ya vafudego, mu nga saniseki kha nga vale va gu mwalo gutumba hi gu nago ethu.

1 Thimoti 5:3

Sayisa dzinoni dzi gu mwalo wawe nya gusayiswe khuye.

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

1 Johane 3:18

Vandriyangu, lihaladzo lathu li nga khali basi nya guganele ni mabhulo. Li na khale lihaladzo nya lisine, li dzi yeyedza khu mithumo.