Mithumo 9:31 - Bhibhiliya Nya Guage

³¹ Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Mithumo 9:31 Iomraidhean Croise

1 Dzikoronika 22:18

“Ina Pfhumu Nungungulu wanu mwalo vbakari gwanu, gani? Kha mu ningani gurula khu maphuvbo yatshavbo, gani? Kholu a ningede mandzani gwangu vavbanyi va tigoni momu. Va ngu yela gufumwa khu Pfhumu Nungungulu gumogo ni vathu vaye.

1 Dzikoronika 22:9

Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.

Nehemiya 5:15

Aholu vafumeli va fumidego khu hwane gwangu, va di gurumedza vathu khu gu va hengisa gikhaba, va va dzegela guhodza ni wadwa, ambari gambe va nga bani va va hengisa magumana mipimo nya parata, ni sithumi sawe, si di va tshanisa niso. Aholu eni kha nya thuma isoso, kholu nyi gu ni githawo ni Nungungulu.

Nehemiya 5:9

Khu guralo va di havo kape! A hamugega ni moyo nya gu nyi hakhe. Nyi ganela gambe, kheni: “Khandri sadi iso mu girago, mu fanede gu ninga githawo ga Nungungulu wathu, gasi va nya mayigo, a gu valala vathu, va si hi giri givalo.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Dzindzimo 94:13

Gasi a rule monyo, ma gu vboha matshigu nya sigaradzo, kala li gu kembwa liphala, nya gurinywe umo va nya guvivba.

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Mavingu 23:17

Monyo wago wu nga dogoreli sighohi, aholu uwe thava Nungungulu gikhati gyatshavbo.

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 33:6

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo Pfhumu Nungungulu.

Zakariya 8:20

Pfhumu Nungungulu nya Tshivba Yatshavbo, a ngu ganela kharati, khuye: “Ma nata nyaluphye mahundzu ma vbanyago madhoropani nya gutale,

Mithumo 12:24

Aholu, mahungu ya Nungungulu ma diya na ma gu engedzelana gudandra, ni guphalalega.

Mithumo 16:5

Khu magirelo yoyo, mabandla ma di tiyisedwa gukhodwani, tengo nya vathu wu di engedzelana litshigu ni litshigu.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Mithumo 5:11

Vathu vatshavbo nya vakhodwa ni vatshavbo vathu va ngapwa mahungu nya silo sesi va di tala khu hwanga ni guthuruga.

Mithumo 6:7

Magana ya Nungungulu ma di phalalega. Tengo nya vapizane wu di gu engedzelana khu tshivba Jerusalema. Vathu nya vangi ngudzu nya tsawa nya vaphasi nya mhamba va di dzumela gukhodwa.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 14:19

Khu kharato, hongoleni hi dzi garadze khu gu vbweta silo sile si hi reselago gurula ni gu tiyiselana gukhodwani.

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.

1 Vakorinto 14:12

Khiso esi si manegago vbakari gwanu. Kha nga mu dogorelago siningwa nya Liphuvbo nya Guage, lombani mu ningwe khu gutala nya iso, gasi guvbaha Libandla.

1 Vakorinto 14:26

Egi nyi vbwetago gu mi embela vandruye, khegi: Na mu tshanganide, moyo a na thula ndzimo, mumbe a na hevbudza, mumbe a na ninga wufakazi, mumbe a gira nombelo khu lidimi nyamba tidwa, mumbe a ninga tshamuselo. Girani satshavbo sesi khu gufela guphasana gudandra gukhodwani.

2 Vakorinto 10:8

Ambari na nyi dzi zundzide khu tshivba yeyi Pfhumu a nga hi ninga, kha nyi khali dzitshoni khiso, kholu nyi di ningwa gasi gu yi thumisa yi vbahe vbakari gwanu, nasiri gupfhungumula.

2 Vakorinto 12:19

Mwa gu dzina sanu mwa gu alakanya gukhenu nya guvbweta gu dzi vhikela vbakari gwanu. Nya gu ganela mbeli ga Nungungulu, esi nya gu gira khu mapimo ya Kristo. Ga satshavbo sesi, nya guvbweta wuwadi wanu.

2 Vakorinto 13:10

Nya gu lova silo sesi, nyi si gu vbohi iyoyo, gasi nyi siti gira gambe khu kanu nya guta iyoyo. Pfhumu a nyi ningide tshivba, nya gu thume guvbaha, nasiri gu khungumula.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vaefeso 4:12

Khu magirelo yaya, a guya na gu dongisela sihathwa gasi si thuma gwadi thumo wawe nya guvbahe ni gu dandrisa givili gya Kristo khu gukhodwa,

Vaefeso 4:16

Sivbango satshavbo nya guhambanelane sa gu mana gu yingana khu tshivba yaye. Givbango ni givbango gya gu thuma thumo gi fanedego, guphasega givili gyatshavbo, gi dandra khu maningano lihaladzoni.

Vaefeso 4:29

Mu nga ganeli magana nya guvivbe, ganelani basi magana nya yadi, nya guphasedzele ava va mapwago.

Vaefeso 5:21

Ninganani githawo khu gyanu khu kotani nya githawo mu gu nagyo ga Kristo.

Dhewuteronome 12:10

Aholu mu na tshatuga tsongo wa Joridhani, muya vbaha tigoni mule Pfhumu Nungungulu wanu a mi ningidego gu khala thomba yanu; a na mi vhikela ga valala vanu vatshavbo va mi randredego, gambe mu na vbanya na mu tiyide.

Vafilipi 2:1

Khavbo avbo, mwa gu bani mu mane gutiya khu ga Kristo, ni gutangadziswa khu lihaladzo laye, ni gutshanganiswa khu Liphuvbo laye, mwa gu bani mu li pima lihaladzo li guromo vbakari gwanu,

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

1 Vatesalonika 5:11

Khu kharato, tangadzisanani, phasanani moyo ni moyo nga edzi mutago na mu gu gira kala olu.

1 Thimoti 1:4

va si vbedzi gikhati khu gu landrisela silo nya tumbunugo ni sibongo nyamba vbela sa vakokwe. Isoso sa gu wusa guganedzana ni mayunga, kha si giri guhaladza ga Nungungulu, ogu hi gu manago khu gukhodwa.

Vahebheru 4:9

Khu magirelo yoyo, gu yeyedza gupwani vathu va Nungungulu va si gu beli guhefemulani nya gukhongolo nya nga ogu Nungungulu a gu manego khu litshigu nya livbandre na mavili.

Josuwa 21:44

Pfhumu Nungungulu a di ninga gurula khu maphuvbo yatshavbo gukhedza khidzo a nga sambanyago khidzo ga vababe vawe; mwalo ni moyo ya valala vawe a nga bani na gu tiya mbeli gwawe; Pfhumu Nungungulu a di va ningela vatshavbo mandzani gwawe.

Judha 1:20

Aholu, enu sigodwa sangu, simamani mu andra ni gu tiya gukhodwani gwanu nya guage ngudzu, mu lombelela khu tshivba nya Liphuvbo nya Guage.

Valamuli 3:30

Khu kharati, litshigu lolo va na Mowabhi, va di khoziswa khu va na Israyeli; litigo li di vbanya gurulani gipimo nya livbandre na mararu magumi myaga.