Mithumo 9:30 - Bhibhiliya Nya Guage

³⁰ Na va dzitide, vandruye va di mu rumela Sezareya va mu khiledza a gu hongola Tarisu.

Mithumo 9:30 Iomraidhean Croise

Matewu 10:23

Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

Matewu 16:13

Na vbohide tigoni ga Sezareya gwa Filipi, Jesu a di wudzisa vapizane vaye, khuye: “Vathu vari khavo khuye mani Mwamana wa Muthu?”

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 11:25

Khavbo avbo, Bharinabha a di phara ndzila a hongola Tarisu aya vbweta Sawule;

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 17:15

Avo va nga vbwelegedza Pawulo va di mu vbohisa kala Atena. Va di wuya ni mwango nya guta embela Silasi ni Thimoti gu hongola khu guvbiredza vaya manana naye Atena.

Mithumo 28:14

Avba hi di mana Vakristo nya gukari, va nga hi lomba ngudzu khavo hi khale navo semana rumba, na hi khugide khavbo, hi di vboha Roma.

Mithumo 8:40

Filipi a di gu manega dhoropani ga Azotu, a khuga khiyo a gimbila a hevbudza mahungu nya yadi khu talala ni talala kala gu vboha Sezareya.

Mithumo 9:11

Pfhumu a di engedza gambe, khuye: “Khuga u hongola ndrangani ga Judha yi manegago ndzilani yi ranwago pwani ‘Gululama’ u ya wudzisa khu lina la mwama moyo nya gupwani khu Sawule nya givelegwa gya Tarisu, kholu womo vbakari nya gulombelele.”

Vagalatiya 1:21

Khu hwane nya matshigu nyi di phara ndzila nyi hongola mayigoni ya Siriya ni Silisiya.