Mithumo 9:2 - Bhibhiliya Nya Guage

² aya mu lomba malangalila nya guhongole khayo dzinyumbani nya nombelo dzi guromo dhoropani ga Dhamasiko. A gimbila a molela vakhodwa nya vama ni vanyamayi va landrago ndzila yeyi a va hunga dzitshinga a va resa Jerusalema.

Mithumo 9:2 Iomraidhean Croise

Genesi 14:15

Abrama a di kabanisa vathu vaye khu mitsawa a randrela valala a va pala ni vbakari nya wutshigu, a gu va tutumisa kala Hobha, nyambade ga Dhamasiko.

Isaya 17:1

Mahungu mayelano khu lidhoropa la Dhamasiko: Wonani gukhenu Dhamasiko gu na fuviswa gu si khali gambe lidhoropa, aholu, gu na khala marumbi basi.

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Matewu 10:17

Gwadigwadi ni vathu! Va na mi yisani miphathani nya gulamudwe, va mi kwamula mudzinyumbani gwawe nya nombelo;

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Mithumo 18:25

A di hevbudza guti ndzila ya Pfhumu, ambari ulo a nga bani a guti basi gubhapatisa ga Johane, a di tshumayela ni gu hevbudza khu nongameto satshavbo esi si ganelago khu mahungu ya Jesu.

Mithumo 19:23

Khu gikhati gyogyo, gu di manega litunga nya likhongolo dhoropani ga Efeso khu kotani nya Ndzila yeyi nya yiphya.

Mithumo 19:9

Ambari ulo, vambe va nya gubanga mihungo ni gumba khodwa va di phela gu dzuwungela Ndzila ya Pfhumu vbakari nya mwandra. Pawulo a di va diga a dzega vapizane khu phuvbo. Matshigu yatshavbo a di gu tshangana a bhula navo nyumbani nya guhevbule ya Tiranu.

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 24:22

Kha nga olu Felisi a nga bani a gu ma pima gwadi mahungu nya Ndzila nya Nayo yoyu, a di thindregisa mahungu, khuye: “A gu relela ndruna Lisiya, khavbo nyi na ta matigo mahungu yanu.”

Mithumo 26:10

Khiso nyi nga girago Jerusalema. Nyi di ningwa tshivba khu vakhongolo nya vaphasi nya mhamba, nyi khothela mapasoni nya vangi va nga khodwa ga Kristo. Gikhati va nga lamuledwa gufa, eni nyi di seketela gukheni va na songwe.

Mithumo 26:12

“Khiso si nga nyi yisa dhoropani ga Dhamasiko, na nyi ningidwe tshivba ni sileletelo khu vakhongolo nya vaphasi nya mhamba.

Mithumo 6:9

Va dita vathu nya gukari khu Nyumbani nya nombelo yi ranwago pwani khya va nya gutshulega, ni va nya guta khu Kirene, Alexandriya, ni Silisiya ni Aziya, va dita ganedzisana ni Sitefane.

Mithumo 7:19

Mufumeli yoyu a di pfhadza vababe vathu khu mano, a va wugela, a va sanisa ngudzu; a di ruma gu dzudzuga sanana sawe gasi sifa.

Mithumo 9:14

Olu dzude eno khu gu rumedwa khu khongolo nya vaphasi nya mhamba ni lidangalila gasi guta molela vatshavbo avo va khodwago linani gwago.”

Mithumo 9:21

Avo va nga bani va gu mupwa va di liwuga, khavo: “Ina khandruye oyu a nga bani a gu sanisa avo va nga bani va gu ganela khu Lina la Jesu dhoropani ga Jerusalema, gani? Gasi khandri a dita eno gufela guta va molela a va hunga dzitshinga aya va ningela ga vakhongolo nya vaphasi, gani?”

2 Vakorinto 11:32

Eyi Dhamasiko, gyandza gya mufumeli Areta, a di ruma gu segwa malimba yatshavbo nya libhiyo nya lidhoropa, gasi a mane gu nyi mola.

Vagalatiya 1:17

gambe kha nya bwelela Jerusalema nyiya manana ni vale va nga hegulago khavo gu khala vapostoli. Aholu nyi di hongola tigoni ga Arabhiya. Khu hwane nya matshigu nyi di wuya gambe dhoropani ga Dhamasiko.