Mithumo 9:18 - Bhibhiliya Nya Guage

¹⁸ Gikhati gyogyo gu di thega khu mahoni gwaye silo nya nga magwaru. Khavbo avbo, a di wona, a gu bhapatiswa.

Mithumo 9:18 Iomraidhean Croise

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 22:13

A dita nyi vbweta. Na nyi mane, a dita ema vbafuvbi gwangu a nyi embela khuye ‘Sawule, ndriyangu, ma na tulege maho yago u wone.’ Khu gikhati gyogyo, maho yangu ma di tulega, nyi wona.

Mithumo 22:16

U nga gu virela gambe ginani, khuga u bhapatiswe, u handzwe sighoho sago khu gu lombelela khu lina laye.’

Mithumo 9:17

Khavbo avbo, Ananiya a di khuga a hongola, na vbohide a di bela nyumbani a gu handzega mandza Sawule a mu embela khuye: “Sawule ndriyangu, Pfhumu Jesu, wule a nga gu tumbulugela ndzilani, gikhati u nga bani u guta, khuye a nga nyi ruma guta gu tula maho ni gu gu ninga Liphuvbo nya Guage.”

Mithumo 9:19

Hwane nya gu bani a hodzile, Sawule a di mana tshivba a gu khala matshigwana ni vapizane, dhoropani ga Dhamasiko.

Mithumo 9:8

Sawule a di khuga a ema a zama gu wona aholu a di si woni gilo. Va diya khu gu mu phara kunga va mu bedza Dhamasiko.

2 Vakorinto 3:14

Aholu mapimo yawe ma di segegide mugidemani. Kala ni olu, va gu hevbula Milowo nya Testamenta ya gale, iyo tshalu yoyo yi nga gu va segela, kholu ya gu funungudwa basi khu ga Kristo.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.