Mithumo 8:9 - Bhibhiliya Nya Guage

⁹ A di gu vbanya khu gale dhoropani mule mwama moyo nya gupwani khu Simoni a nga bani a gu thumisa wun'yanga a pemba vathu vatshavbo va Samariya, a dzi randra muthu khongolo.

Mithumo 8:9 Iomraidhean Croise

Ekisodha 7:11

Aholu Faro nuye a di rana va nya guti ni dzinyanga, avo navo va nya guti va Egipito, va di gira navo idzosaye khu wugengeli wawe nya gusihalege.

Ekisodha 7:22

Aholu dzinyanga dza tigoni ga Egipito dzi di gira nidzo idzosaye khu wugengeli waye. Aholu monyo wa Faro wu di banga, gima kha va yingisa kha nga idzo a nga ganela khidzo Pfhumu Nungungulu.

Ekisodha 9:11

Dzinyanga dzi di tandrega gu ema mbeli ga Mosi khu kotani nya sithunya, kholu va di tade khu sithunya, idzosaye ni vatshavbo vambe Vagipiti.

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Johane 7:18

Uye a dzi fakazelago abune a gu vbweta gidhumo gyaye, aholu oyu a vbwetago gu dhumisa uye a nga mu rumelago, muthu nya lisine, a gu mwalo malipha.

Mithumo 13:6

Va di dzuwulugela gidwa gyatshavbo kala va gu vboha dhoropani ga Pafosi, iyo va nga ya manago Mujudha moyo nya gupwani khu Bharijesu a nga bani a gu thumisa wun'yanga ni wuprofeti nya malipha.

Mithumo 13:8

Aholu, Elimasi, lina li tshamuselago pwani nya wun'yanga a di va wugela, na gufela gu ndreyisa mufumeli wule ndzilani nya wukhodwa.

Mithumo 5:36

Khu matshigu ya hwane manegide mwama nya gupwani Teyodasi a nga bani a gu dzi randra khongolo, khu magirelo yoyo, a di gu landredwa khu gipimo nya magumana mazana vama, hwane nya gu na songidwe, vapizane vaye vatshavbo va di phalalega; satshavbo si guvbela furi avbovbo.

Mithumo 8:11

Va di mu yingisa khu githawo, kholu a diri matshigu ya gale va nga bani va gu samadziswa khu siliwugiso nya wun'yanga waye.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

2 Thimoti 3:2

Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.