Mithumo 8:7 - Bhibhiliya Nya Guage

⁷ Khu lisine, vathu nya vangi va nga bani vari ni maphuvbo nya guvivbe, va di vbanyiswa, ma duga na ma gu womba dzihuwa. Ni va nya gufa sivbango, ni sigoha va di hawulugiswa.

Mithumo 8:7 Iomraidhean Croise

Isaya 35:6

Silima si na ndragandraga kha nga dzimangwa, ni malimi nya sidudu ma na kulungela khu gutsaka, kholu mati ma na goga giwulani ni gu buga mitsongo mafuni nya gihala.

Matewu 10:1

Jesu a di rana vapizane, nya likhumi na vavili a gu va ninga tshivba nya gututumise maphuvbo nya guvivbe ni gu hawulugisa madwali ni mafumbu yatshavbo nya dzingumbe.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Marko 9:26

Liphuvbo li di womba huwa, li gi dzudza khu tshivba ni tshivba, li duga, gikhwathana gi di dzima. Nya vangi va di pimisa gukhavo gi fude.

Luka 10:17

Vapizane vale nya livbandre na mavili magumi va di wuya na va tade khu gunengela, vata, khavo: “Pfhumu, ambari maphuvbo nya guvivbe ma di hi yingisa khu lina lago!”

Johane 14:12

Khu lisine, nyi ngu mi embelani, kheni: Uye a khodwago gwangu, a na gira nuye mithumo nyi yi girago; a na gira mithumo ya yikhongolo guvbindra eyi, kholu eni nyi ngu hongola ga Babe wangu.

Mithumo 5:16

Vathu nya vangi va di guta khu madhoropani ya vbafuvbi ni Jerusalema va resa vadwali ni vathu nya gusaniswe khu maphuvbo nya guvivbe. Vatshavbo va di hawulugiswa.

Mithumo 8:6

Khu monyo moyo, vathu va di hakha gwadi sihevbudzo sa Filipi, kholu va dipwa ndruma nya siliwugiso a nga bani a gu gira, ni gu si wona khu maho.

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.