Mithumo 8:5 - Bhibhiliya Nya Guage

⁵ Filipi a di relela aya dhoropani ga Samariya, aya tivisa Kristo vathu va tigoni mule.

Mithumo 8:5 Iomraidhean Croise

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 21:8

Na gugide, hi di phara ndzila hi hongola kala hi ya vboha dhoropani ga Sezareya. Hi di bela ndrangani ga muvhangeli Filipi, hi gu khala naye. Filipi moyo nya vale nya livbandre na vavili va nga hathwago Jerusalema.

Mithumo 5:42

Va di si garali khu gu hevbudza matshigu yatshavbo Nyumbani ya Nungungulu ni dzidrangani, ni gu huwelela mahungu yadi nya gupwani Jesu khuye Kristo.

Mithumo 6:5

Mawonelo yoyo ma di tsakisa vathu vatshavbo. Va di hatha Sitefane, mwama nya gutale khu gukhodwa ni Liphuvbo nya Guage; Filipi, Prokoro, ni Nakonori, Timoni, Parmenasi ni Nikolawu, mukhodwa wa Antiyokiya.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Mithumo 8:26

Ngilozi ya Pfhumu yi di embela Filipi, khiyo: “Khuga. Indra kha guya Marandzi, u landra ndzila yi relelago khu Jerusalema yi gu hongola Gaza.” Gikhati gegi mwalo muthu a gimbilago khu ndzila yoyo.

Mithumo 8:30

Na hidzimede, Filipi a dipwa Muetiyopi na gu hevbula libhuku la muprofeti Isaya, a di mu wudzisa, khuye: “Ina u ngu si mana esi u hevbulago, gani?”

Mithumo 8:40

Filipi a di gu manega dhoropani ga Azotu, a khuga khiyo a gimbila a hevbudza mahungu nya yadi khu talala ni talala kala gu vboha Sezareya.

Mithumo 8:6

Khu monyo moyo, vathu va di hakha gwadi sihevbudzo sa Filipi, kholu va dipwa ndruma nya siliwugiso a nga bani a gu gira, ni gu si wona khu maho.

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

1 Vakorinto 2:2

Na nyiri vbakari gwanu, nyi di hatha basi gu mi tivisani Jesu Kristo a khokhothedwego vbagihambanotunu.

1 Vakorinto 3:11

Kha dzi kodzi muthu gu vega gimbe giseketelo vbavbandze nya egi gi vegidwego: A gu uye Jesu Kristo.