Mithumo 8:39 - Bhibhiliya Nya Guage

³⁹ Na va dugide khu matini, Liphuvbo la Pfhumu li di mwalalegisa Filipi, Muetiyopi gima kha nga mu wona gambe, ambari ulo a di gimbila ndzila yaye yatshavbo na tade khu gunengela.

Mithumo 8:39 Iomraidhean Croise

1 Dzipfhumu 18:12

Gu ngu kodzega gu, na nyi hambanide nago, Liphuvbo la Pfhumu Nungungulu, li ta gu dzega li gu yisa umo nyi si gutigo, eni na nyi mu tiviside Akabi a wuya a si gu mani, uye a na nyi songa. Gasi eni githumi gyago, nyi ngu thava Pfhumu Nungungulu, gukhugela wudzahani wangu.

2 Dzipfhumu 2:16

Va ganela gwaye, khavo: “Wona, vbakari ga ethu sithumi sago, vomo livbandre magumi vama nya tshivba, va dige va hongola va ya vbweta mune wago, kholu a gu dzina saye liphuvbo la Pfhumu Nungungulu li di mu dzega li ya mu rinya gigomoni nya gukari, mwendro releloni nya gukari.” Aholu uye a di va embela, khuye: “Mu nga rumi muthu.”

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:14

Nya gu tsaka khu ndzila nya wufakazi wago, guvbindra gu mana dzithomba dzatshavbo.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Ezekiyeli 11:1

Khavbo avbo, Liphuvbo li di nyi khusedzela, li nyi yisa vbamwanyatunu wu manegelago khu phuvbo ga Khugadambo nya Nyumba ya Pfhumu Nungungulu. Vbale, vbanyangwatunu nya mwanya, gu diromo magumavili na livbandre vama, nyi di wona vbakari gwawe, Jazaniya, mwamana wa Azuri, gumogo ni Pelatiya, mwamana wa Bhenaya, vathangeli nya vathu.

Ezekiyeli 11:24

Khavbo avbo, Liphuvbo la Nungungulu li di nyi khusa, khu giwoniso li nyi yisa ga avo va nga bani va vbagedwe va yiswa Bhabhiloni. Khavbo avbo, gi di vbela giwoniso nyi nga bani nyi gi wona.

Ezekiyeli 37:1

Libogo la Pfhumu Nungungulu li diri ni eni; nyi di dzegwa khu Liphuvbo la Pfhumu Nungungulu li ya nyi vega vbakari nya kova moyo wu nga bani wu tade khu marambo,

Ezekiyeli 43:5

Khavbo avbo, Liphuvbo li di nyi khusa, li nyi emisa, li nyi yisa ga likupakupa la ndrani; nyi di wona gukheni Nyumbani gwa Nungungulu gu di tade khu wudhumo wa Pfhumu Nungungulu.

Ezekiyeli 8:3

Uye a di thawuludza gilo nya gufanane ni libogo a nyi mola khu ndzudzu. Liphuvbo li di nyi vega vbakari ni vbakari nya mafu ni ndzadzini, khu siwoniso sa Nungungulu, ilo li di nyi yisa Jerusalema, vbanyangwatunu nya mwanya wa Wuronga nya laba la ndrani, avbo gu nga bani gu vegidwe gifananiso gya nungungulu nya malipha, gi nga girisago wufu Nungungulu.

Matewu 13:44

“Mufumo wa Ndzadzini wu ngu fanana ni thomba yi nga sihwago mahangeni yi gu tugudwa khu muthu, a yi fulusa a yi siha wumbe wulanga. Na tade khu gunengela, a di ya rengisa satshavbo a nga bani ari naso, gasi gu renga mahange yale.

Matewu 3:16

Jesu na bhapatisidwe, a di duga khu matini. Avbovbo Ndzadzini gu di tulega, a wona Liphuvbo la Nungungulu na li gu relela kha nga lituva, li ta mbaka vbatshani gwaye.

Marko 1:10

Na gu duga khu matini, Jesu a di wona ndzadzi na yi tulegide, Liphuvbo li di mbaka vbatshani Gwaye kha nga lituva.

Mithumo 13:52

Aholu, vapizane va di tala khu gunengela ni Liphuvbo nya Guage.

Mithumo 16:34

Yi di va dzega yi bela navo nyumbani gwaye, yi va girela guhodza, yi nengela ni ngamu yaye yatshavbo khu kotani nya gukhodwe ga Nungungulu.

Mithumo 8:29

Liphuvbo li di embela Filipi, khilo: “Gimbidzisa u longoloka ni kareta yoyo.”

Mithumo 8:38

Khavbo avbo, a di emisa kareta va gu tshiga va vavili va bela matini, Filipi a bhapatisa Muetiyopi.

Mithumo 8:8

Gu di manega gutsaka nya gukhongolo dhoropani mule.

Varoma 5:2

Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vafilipi 4:4

Nengelani ga Pfhumu; nyi ngu engedza gu mi embela, nengelani.

Jakobe 4:16

Aholu, enu mu va nya matshandza, mu vbanyago khu gu dzi khusedza, kharato, khandri gwadi.