Mithumo 8:37 - Bhibhiliya Nya Guage

³⁷ [Filipi a di mu hakha, khuye: “Wa gu bani wu gu khodwa khu monyo wago watshavbo, gi mwalo gi gu himbedzelago.” Muetiyopi a di hakha, khuye: “Nyi ngu khodwa nya gukheni Jesu Kristo Gyanana gya Nungungulu.”]

Mithumo 8:37 Iomraidhean Croise

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Marko 16:16

Oyu a khodwago a bhapatiswa, a na vbanyiswa; gasi oyu a si khodwigo a na mbemba.

Johane 11:27

Marta a di hakha, khuye: “Ina, Pfhumu! Nyi ngu khodwa gukheni uwe khuwe Kristo, Mwamana wa Nungungulu, wule a nga pwani a nata mafuni.”

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Johane 9:35

Jesu, na pwide gupwani va mu tutumiside, a di mu mana a mu wudzisa, khuye: “U ngu khodwa ga Mwamana wa Muthu, gani?”

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 8:12

Aholu gikhati va nga tshumayedwa khu Filipi Mahungu nya Yadi nya Mufumo wa Nungungulu ni gu hevbudzwa khu Lina la Jesu Kristo, vama ni vanyamayi va di khodwa, va gu bhapatiswa.

Mithumo 8:21

Uwe u mwalo wulanga nya gu hengele nago thumoni momu, kholu monyo wago kha wa lulama mahoni gwa Nungungulu.

Mithumo 8:36

Na va gimbide va di mana wulanga nya mati, Muetiyopi a di embela Filipi, khuye: “Mati aya. Ginani gi nyi himbedzago gubhapatiswa?”

Mithumo 8:38

Khavbo avbo, a di emisa kareta va gu tshiga va vavili va bela matini, Filipi a bhapatisa Muetiyopi.

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

Varoma 10:10

Kholu, muthu a gu khodwa monyoni gwaye gasi gu ma na gululama; a gu fakaza khu likana laye, gasi gu ma na vbanyisa.

1 Vakorinto 12:3

Khu kharato, khalani na mu gu pima gukhenu mwalo muthu a ganelago khu tshivba nya Liphuvbo la Nungungulu, khuye: “Jesu a na vadwe,” Gambe mwalo muthu a dzi kodzago gu ganela, khuye: “Jesu Pfhumu” a gumba kutsedzedwa khu Liphuvbo nya Guage.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

1 Johane 4:15

Muthu a gu tiyisa nya gukhuye Jesu Kristo Mwamana wa Nungungulu, Nungungulu a ngu vbanya gwaye, uye nuye a ngu hengela gu vbanya ni Nungungulu.

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.

1 Johane 5:10

Oyu a khodwago ga Mwamana wa Nungungulu a na ni wufakazi wowu ndrani nya monyo waye. Aholu, oyu a si khodwigo ga Nungungulu, a ngu gira Nungungulu nga moyo nya malipha, kholu kha khodwi khu wufakazi wu nga girwa khu Nungungulu a girela Mwamana waye.

1 Johane 5:5

Khu mani a yelago gu pala litigo? Khu wule basi a khodwago gukhuye Jesu Kristo Mwamana wa Nungungulu.