Mithumo 8:26 - Bhibhiliya Nya Guage

²⁶ Ngilozi ya Pfhumu yi di embela Filipi, khiyo: “Khuga. Indra kha guya Marandzi, u landra ndzila yi relelago khu Jerusalema yi gu hongola Gaza.” Gikhati gegi mwalo muthu a gimbilago khu ndzila yoyo.

Mithumo 8:26 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

2 Dzipfhumu 1:3

Aholu Ngilozi ya Pfhumu Nungungulu yi di embela Eliya, Mutesibhi, magana yaya, khiyo: “Khuga, u ya wonana ni myango ya mufumeli wa Samariya, u yi embela, khuwe: Ina omu tigoni ga Israyeli, mwalo Nungungulu nya gukala u ya wudzisa Bhahali-Zebhubi, nungungulu wa Ekoroni, gani?

1 Dzikoronika 22:16

Ndralama, parata, sugu ni simbi nyamba sayedwa tengo somo mandzani gwago, phara thumo, Pfhumu Nungungulu a na khale ni uwe!

Zakariya 9:5

Asikeloni a na si wona a tala khu hwanga ni Gaza nuye a na tedwa khu rerema gu fanana ni Ekoroni, kholu gutumba gwawe gu na bani gu vbede; Gaza a na luzegedwa khu mufumeli waye, ni Asikeloni gu na khala giwula nyambana muthu.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 12:23

Khu gikhati gyogyo a di vetwa khu ngilozi ya Pfhumu, a gu hodzwa khu siwungu afa, kholu kha nga rungudza Nungungulu.

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Mithumo 5:19

Aholu ngilozi ya Nungungulu yi dita ni wutshigu yita tula malimba nya lipaso, yi gu duga navo vbavbandze, yi va embela, khiyo:

Mithumo 8:29

Liphuvbo li di embela Filipi, khilo: “Gimbidzisa u longoloka ni kareta yoyo.”

Mithumo 8:5

Filipi a di relela aya dhoropani ga Samariya, aya tivisa Kristo vathu va tigoni mule.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Josuwa 13:3

gukhugela Siyori, gu manegelago mbeli ga Egipito, kala vbinganoni ga Ekoroni khu phuvbo ga Wuronga, litigo li gupwani la gu lumba Vakhanani; litigo li gu ni livbandre manganagana nya Vafilisitiya va Gaza, va Asidhodhi, va Asikeloni, va Gati ni va Ekoroni;

Josuwa 15:47

Asidhodhi ni madhoropa yaye, gumogo ni mitalala yaye; Gaza ni madhoropa yaye, gumogo ni mitalala yaye, kala tsongoni wa Egipito ni Yiphwa nya Yikhongolo, a gu uwo vbingano waye.