Mithumo 8:21 - Bhibhiliya Nya Guage

²¹ Uwe u mwalo wulanga nya gu hengele nago thumoni momu, kholu monyo wago kha wa lulama mahoni gwa Nungungulu.

Mithumo 8:21 Iomraidhean Croise

2 Dzikoronika 25:2

Uye giride ugo gu gu gwadi mbeli ga Pfhumu Nungungulu, aholu kha nga dzi ningela khu monyo waye watshavbo.

Nehemiya 2:20

Khu guralo nyi di va hakha nyi va embela, kheni: “Nungungulu wa ndzadzini khuye a na gu hi phasedzelago thumoni gwathu; ethu sithumi sago hi na vbaha; gasi enu kha mu lumbwi khu gilo ambari malungelo mwendro gialakanyiso dhoropani ga Jerusalema.”

Dzindzimo 36:1

Muthu nya guvivbe a gu fumbela magana nya gighoho monyoni gwaye; mahoni gwaye mwalo githawo ni Nungungulu.

Ezekiyeli 14:3

“Mwamana wa muthu, vathu vovo, myonyo yawe va yi vegide umo nya sifananiso, va vegide gikhunguvanyiso nya gunyenyeze mbeli gwawe. Ina eni nyi na va dzumela gu va nyi wudzisa, gani?”

Levhi 13:8

Khavbo avbo, muphasi nya mhamba a gu wona gukhuye madwali ma engedzelane gudandra ma ya mbeli, a na tivisa gukhuye mudwali kha aga: A na ni sokono.

Habhakuka 2:4

Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Mithumo 8:37

[Filipi a di mu hakha, khuye: “Wa gu bani wu gu khodwa khu monyo wago watshavbo, gi mwalo gi gu himbedzelago.” Muetiyopi a di hakha, khuye: “Nyi ngu khodwa nya gukheni Jesu Kristo Gyanana gya Nungungulu.”]

Vaefeso 5:5

Dzitini gwadi gukhenu muthu nya wubhayi, nya liphuphulu ni ligungo, ni va nya gukhozela vanungungulu nya malipha, gima kha va na hodza thomba mufumoni wa Kristo ni wa Nungungulu.

Dhewuteronome 10:9

Khidzo kharato va na Levhi va ngamba kavedwa thomba ni vandriyawe, kholu thomba yawe khu Pfhumu Nungungulu, kha nga idzo Pfhumu Nungungulu wago, a gu tumbisidego khidzo.

Dhewuteronome 12:12

Gambe mu na nengela mbeli ga Pfhumu Nungungulu wanu, enu gumogo ni sanana sanu nya vama ni esi nya vanyamayi, ni sithumi sanu nya vama, ni esi nya vanyamayi, gumogo ni mulevhi a vbanyago ndrani nya madhoropa yanu, a gu mwalo gipandre mwendro thomba gumogo nanu.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Josuwa 22:25

Khu guralo, Pfhumu Nungungulu vegide tsongo wa Joridhani gasi gu khala vbingano vbakari gwathu ni enu sanana sa Rubheni ni sanana sa Gadhi; khu guralo, enu mu mwalo giavelo ga Pfhumu Nungungulu! Kholu, sanana sanu si nga khala gikhunguvanyiso nya gusegele sanana sathu gu ninga githawo Pfhumu Nungungulu.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

Gutuledwa 20:6

Va kategide vale va na gu sayedwago tengoni nya guwuge gogu nya guhegule khu gufani! Kholu gufa nya wuvili kha gu na mana tshivba vbatshani gwawe, aholu va na khala vaphasi va Nungungulu ni va Kristo, va na fuma naye gipimo nya likhumi mazana (1.000) myaga.

Gutuledwa 22:19

A gu kala muthu a vbungula magana nya wuprofeti nya libhuku leli, Nungungulu a na dusa gipandre gyaye simboni nya womi ni Dhoropani nya Guage, si tiviswago libhukuni momu.