Mithumo 8:20 - Bhibhiliya Nya Guage

²⁰ Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

Mithumo 8:20 Iomraidhean Croise

Mavingu 15:26

Makungo ya vathu nya guvivbedwe khu myonyo, ma nyenyezide mbeli ga Pfhumu Nungungulu, aholu Uye a gu tsakiswa khu magana nya vathu va agidego.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Dhaniyeli 5:17

Khavbo avbo, Dhaniyeli a di mu phindrula, khuye: Siningwa sago khala naso, ni tshatshazelo yago ningela ga vambe. Aholu nyi na hevbulela mufumeli milowo nyi bwelo khavbo nyi mu pwadzela tshamuselo yaye.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Matewu 10:8

Hawulugisani vadwali, wusani va nya gufa; agisani va nya sokono ni gu tutumisa maphuvbo nya guvivbe. Mu ningidwe mahala; ningelani nenu mahala.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Mithumo 1:18

Aholu rengide gipeto khu tengo va nga mu livbago khu wusongi waye, oyu muthu a di thega vbavbatshi khu hungo, a pferuga khu vbakari, mahembe yaye ma vbalaga vbavbatshi.

Mithumo 10:45

Khavbo avbo, vakhodwa vatshavbo nya Vajudha va nga bani va dzude ni Pedro va di liwuga ngudzu khu gu wona nya gukhavo Liphuvbo nya Guage li tshigede navo va nya mayigo.

Mithumo 11:17

Olu Nungungulu a va ningidego giningwa nya nga egi a nga hi ningago ethu gikhati hi nga khodwa ga Pfhumu Jesu, na nyi yi mane hayi eni tshivba nya guganedze Nungungulu?”

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 8:19

“Nyi ningeni neni tshivba yoyo, gasi oyu nyi na mu handzegago mandza a hakhe nuye Liphuvbo nya Guage.”

Mithumo 8:22

Dzi laye u vbindrugedze guvivbani gwago u lombe ga Pfhumu mwendro a na gu divalela mahingigedzo nya monyo wago,

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.

Dhewuteronome 7:26

“Khu guralo, u nga bedzi gilo nya gunyenyeze nyumbani gwago, gasi u si vadwi kha nga igyo; satshavbo u fanede gu si nyenya, kholu si vadwe.”

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

Jakobe 5:3

Ndralama ni parata yanu si pfhurede. Gupfhurela gogu gu na khala fakazi nya gu mi wugele kha nga nilo, gu hodza sivili sanu. Enu, mu wungedzede dzithomba ga matshigu yaya nya guhegise.

Gutuledwa 18:15

Varengisi vatshavbo nya silo sesi, vale va nga mana gufuma khu kotani nya lidhoropa, khu gu thava tsayiso waye, va na khalela hwindzo, va lila, khavo: