Mithumo 8:2 - Bhibhiliya Nya Guage

² Gikhati gyogyo, vathu nya githawo ni Nungungulu va di dzinga Sitefane va gira gililo nya gikhongolo.

Mithumo 8:2 Iomraidhean Croise

Genesi 23:2

Fude nari tigoni ga Kiriyati-Araba, muhuno gu ranwago pwani Hebroni, tigoni ga Khanani. Abrahama a di gira gililo nya gulile Sara.

Genesi 50:9

Gumogo naye dzi di gwela dzikareta nya dzingi ni vakhileli nya dzikavalu. Gu diri gidzemo nya gingi ngudzu.

2 Samuweli 3:31

Dhavhidhe a di embela Jowabhi ni masotshwa yaye yatshavbo, khuye: “Pferulani dzingandzu dzanu, mu ambala silendra mu lilani Abhineri!” Mufumeli Dhavhidhe, a di landra khu hwane nya lithatho.

2 Dzikoronika 32:33

Ezekhiya lade gumogo ni vavelegi vaye, va mu dzingide wulangani nya gukhugege, vbakari nya marowo ya sanana sa Dhavhidhe; vatshavbo va na Judha ni vavbanyi va Jerusalema, va di gira wuzundzo gufani gwaye; wulangani gwaye nya wufumu, a di tshikedzwa khu mwanaye Manasi.

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Jeremiya 22:18

Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Mitengo 20:29

Tshangano watshavbo khu gu wona nya gukhavo Aroni fude, vatshavbo va na Israyeli va di lila Aroni gipimo nya magumararu matshigu.

Marko 6:29

Na va dzitide vapizane va Johane, va dita dzega girumbi gyaye vaya dzinga thowoni.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 2:5

Va di tshanganide Jerusalema Vajudha nya ndruda, nya gute khu mayigoni yatshavbo.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

Dhewuteronome 34:8

Va na Israyeli va di lila Mosi, mapanini gwa Mowabhi magumararu matshigu kala va enedza matshigu nya gililo gyaye.

1 Samuweli 28:3

Khu gikhati gyogyo, Samuweli a di fude, va na Israyeli vatshavbo va di gu lila Samuweli na va mu dzingide dhoropani a nga velegedwago umo; Sawule a di lundride vatshavbo va nya wunyanga ni va nya dzisolo.