Mithumo 8:14 - Bhibhiliya Nya Guage

¹⁴ Vapostoli va nga bani va romo Jerusalema, na va tivisidwe gupwani Samariya va hakhide magana ya Nungungulu, va di rumela iyoyo Pedro ni Johane.

Mithumo 8:14 Iomraidhean Croise

1 Dzipfhumu 13:32

Kholu ma na tadzisega magana ya Pfhumu Nungungulu a nga huwelelago khu mahungu nya giluvelo gi guromo Bheteli, gumogo gambe ni dzinyumba dzatshavbo dzi guromo musigomoni sa madhoropani ga Samariya.”

Matewu 13:23

Aholu mbewu yi nga yadwago wulimeni nya wadi, khu wule a pwago mahungu a ma ti ma gu thula ginani: Oyu a ngu thela mihandro nya yingi: Lizana, livbandre na limwedo magumi, magumararu.”

Luka 22:8

A di ruma Pedro ni Johane, khuye: “Indrani muya hi dongisela iso si vbwetegago gasi hi hodze Phasika.”

Johane 12:48

Uye a nyi dangago ni gumba hakha magana yangu, a na ni mulamuli waye. Magana nyi hevbudzidego khayo ma na mu lamulago litshigu nya guhegise.

Mithumo 11:1

Vapostoli ni vandruye va Judheya va dipwa nya gupwani va nya mayigo navo va hakhide mahungu ya Nungungulu.

Mithumo 15:4

Na va vbohide Jerusalema va di hakhwa gwadi khu libandla, ni Vapostoli, ni madhota, va tshamusela siliwugiso Nungungulu a nga girago khu avo.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Vagalatiya 2:9

Jakobe, Pedro ni Johane va tidwago kha nga vathangeli, na va wonide gukhavo khu lisine, hi ningidwe wuhigo nya thumo wowu; va di hi phara mandza eni ni Bharinabha, va gu yeyedza kharalo wuhengeli. Hi di pwanana gukhethu hi hongola hiya thuma vbakari ga va nya mayigo gasi avo vaya thuma vbakari nya Vajudha.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

1 Vatesalonika 3:2

nyi mi rumelani Thimoti, ndriyathu a guromo thumoni wa Nungungulu, a tshumayela Mahungu nya Yadi ya Kristo. Nyi mu rumide guta mi tivisani ni gu mi phasani gukhodwa gwanu,

2 Vatesalonika 2:10

A na thumisa guvbanya gwatshavbo nya guvivbe, gasi gu kanganyisa ava va dzimedego, va na gumba dzumela gu hakha lisine li nga vbweta gu va vbanyisa.