Mithumo 8:12 - Bhibhiliya Nya Guage

¹² Aholu gikhati va nga tshumayedwa khu Filipi Mahungu nya Yadi nya Mufumo wa Nungungulu ni gu hevbudzwa khu Lina la Jesu Kristo, vama ni vanyamayi va di khodwa, va gu bhapatiswa.

Mithumo 8:12 Iomraidhean Croise

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Luka 9:2

A di va ruma gu gimbila va tivisa Mufumo wa Nungungulu ni gu hawulugisa vadwali.

Luka 9:60

Jesu a di mu embela, khuye: “Va dige vafi va dzingane khu gyawe. Gasi uwe indra u gimbila u tivisa Mufumo wa Nungungulu.”

Mithumo 1:3

Hwane nya gu na fude, Jesu a dzi wonegiside ga Vapostoli na gu vbanya, khu mawonegiselo nya guhambanelane, a dzi wonegiside gwawe gipimo nya magumana matshigu, a gu ganela navo khu Mahungu nya Mufumo wa Nungungulu.

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 18:8

Krispo, muthangeli nya nyumba nya nombelo, a di khodwa ga Pfhumu, gumogo ni ndranga yaye yatshavbo. Vakorinto nya vangi va nga pwa Pawulo va di khodwa, va gu bhapatiswa.

Mithumo 19:5

Na va pwide esi va di bhapatiswa khu lina la Pfhumu Jesu.

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 20:25

“Olu nyi ngu dziti gukheni mwalo na moyo nya enu nyi gimbidego vbakari gwanu nyi tivisa Mufumo wa Nungungulu, a na gu nyi wonago gambe.

Mithumo 28:31

A di tivisa Mufumo wa Nungungulu na tshulegile, a hevbudza mahungu ma ganelago khu Pfhumu Jesu Kristo, nyamba himbedzedwa khu muthu.

Mithumo 5:14

Tsawa nya vakhodwa wu di gu engedzelana gu dandra, vama ni vanyamayi va di gu bela tsawani ga Pfhumu.

Mithumo 8:4

Avo va nga phalalega va di gimbila khu talala ni talala va gu hevbudza Mahungu nya Yadi.

Varoma 10:10

Kholu, muthu a gu khodwa monyoni gwaye gasi gu ma na gululama; a gu fakaza khu likana laye, gasi gu ma na vbanyisa.

1 Vakorinto 11:11

Ambari ulo, ga Pfhumu, mwalo nyamayi nyambana mwama, kha nga gambe a gu mwalo mwama nyambana nyamayi.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.