Mithumo 7:8 - Bhibhiliya Nya Guage

⁸ Nungungulu a di hunga pwanano ni Abrahama a gu vega gifungo nya wugwera. Khavbo avbo, Abrahama a di velega Isaki a mu hanisa wugwera, khu litshigu a nga tshanganisago livbandre na mararu matshigu nya guvelegwe gwaye. Isaki nuye a di hanisa wugwera Jakobe, a nuye Jakobe a gu hanisa sanana saye nya likhumi na sivili, a gu avo likhumi na vavili va nyapandre vathu.”

Mithumo 7:8 Iomraidhean Croise

Genesi 29:31

Avbo Pfhumu Nungungulu a nga wona nya gukhuye Liya kha godwi, a di mu ninga livelego; gasi Rakeli a di khala nyamba velega.

Genesi 30:5

Bhila a di khura mimba a velega gyanana nya gikhwathana ga Jakobe.

Genesi 35:16

Va di khuga khu Bheteli, gu nga tshade pfhukanyana gasi gu vboha dhoropani ga Efrata, Rakeli a di hefemula gyanana khu gugaradzega ngudzu.

Genesi 35:18

Gikhati gi dugidego gyanana, uye a di gu sala, a gi riya lina nya gukhuye khu Bhenoni; aholu babe waye a di gi rana khuye Bhejami.

1 Dzikoronika 1:34

Abrahama a di velega Isaki. Sanana sa Isaki khesi: Esawu ni Jakobe.

Matewu 1:2

Abrahama a di velega Isaki; Isaki a velega Jakobe; Jakobe a velega Judha ni vandriyaye;

Johane 7:22

Mosi a mi ningideni wugwera (khandri Mosi a nga wu phela, aholu khu vababe) enu mu ngu bedza wugwera khu Sabhadho.

Mithumo 2:29

Vandruye, dzumelani nyi mi embelani khu lisine langu latshavbo: Kokwe wathu Dhavhidhe fude a gu dzingwa. Lithowo laye gambe li nga romo vbakari gwathu kala na muhuno.

Varoma 4:10

Gasi gikhati muni si giregidego isoso ga Abrahama? Sayedwe muthu nya gululame na hanide wugwera mwendro na si gu hani wugwera, gani? Ahihi kha sa girega na hanide wugwera, aholu nasi a si gu hani.

Vagalatiya 3:15

Vandriyangu, nyi na ganela khu maganelelo nya wuthu: Muthu a gu hunga gidzumeledzwano a gi tiyisa, mwalo mumbe muthu a fanedego gu gi tshula, mwendro gu engedzela gimbe gilo.

Vagalatiya 3:17

Esi eni nyi vbwetago gu ganela khu esi: Nungungulu hungide gidzumeledzwano a wuya a tiyisa gu gi sayisa. Nayo wu vegidwego na gu vbindride mazana mana ni magumararu (430) myaga, kha wu dzi kodzi gu tshula gidzumeledzwano gi hungidwego khu gale, mwendro gu fuvisa gitumbiso.

Vahebheru 7:4

Wonani edzi Melikisedheki a nga bani ari khongolo khidzo: Abrahama, nyapandre, a mu ningide gipandre nya likhumi nya phango watshavbo a nga wandrela valala litungatunu.