Mithumo 7:51 - Bhibhiliya Nya Guage

⁵¹ Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Mithumo 7:51 Iomraidhean Croise

2 Dzipfhumu 17:14

Aholu avo kha va tula dzindzeve dzawe va yingisa; va bangisa dzithamo dzawe, kha nga vababe vawe, va ngamba khodwa ga Pfhumu Nungungulu wawe.

2 Dzikoronika 30:8

Mu nga bangisini myonyo yanu, kha nga idzo va giridego vababe vanu; pharani mandza ya Pfhumu Nungungulu, mu belani Nyumbani gwaye nya Guage, a yi agisedego kala gupindruga, mu thumela Pfhumu Nungungulu wanu, gasi a ndreyise vbakari gwanu guvila nya likhulo laye.

Nehemiya 9:16

Aholu avo gumogo ni vababe vathu, va di gu yeyisa va gira matshandza ni gu bangisa dzithamo dzawe va si gu thumeli, va si yingisi milayo yago.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Dzindzimo 75:5

Mu nga dzi zundzi khu tshivba yanu, mu nga ganeli khu matshandza.

Dzindzimo 78:8

va si giri kha nga vababe vawe, vathu nya guyeyise ni gumba yingela, vathu nya gubange mihungo, nyamba tiya gutumbani gwawe ga Nungungulu wawe.

Ekisodha 32:9

Pfhumu Nungungulu a di engedza a embela Mosi, khuye: “Eni nyi ngu va pima gwadi vathu vava, nyi ngu vati gukheni vathu nya gubange mihungo.

Ekisodha 33:3

Indra ga litigo lolo li gogago mahwe ni wulombe. Aholu, eni kha nyi na hongola nanu kholu mu vathu nya gubange mihungo, nyi nga beledwa khu monyo nya gu mi mbembise ndzilani.”

Ekisodha 33:5

Pfhumu Nungungulu a di embede Mosi, khuye: “Embela sanana sa Israyeli, khuwe: Enu mu vathu nya gubange mihungo. Nya gu manega gikhati gi dugwana basi vbakari gwanu, nyi na mi mbembisa, khu kharato, tshulani esi mu dzi mburisedego khiso, gasi eni nyi giti egi nyi na gu girago.”

Ekisodha 34:9

a ganela, khuye: “Olu, nya gu bani nyi mane makategwa mbeli gwago, Pfhumu, gira wuhindzi U gimbila vbakari gwathu; kholu khu lisine, ava vathu nya gubange mihungo. Aholu, hi tsetselele guvivba gwathu ni sighoho sathu, U hi hakhe hi khala thomba yago.”

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 6:10

Nyi na ganela ni gu fakaza ga mani gasi va kodza gu nyi yingisa? Wona nya gukhuwe dzindzeve dzawe dzi tshimegide, kha va yingisi; mahungu ya Pfhumu Nungungulu givalo avbo gwawe; kha va khathali khayo.

Ezekiyeli 2:4

Ga vathu nyi na gu rumelago, va bangide mihungo ni guyeyisa. U na ya va embela, khuwe: Mune, Pfhumu Nungungulu, a ngu ganela kharati.

Ezekiyeli 44:7

Gu diga nya yimbe mithumo yago nya wuyeyisi, u reside va nya mayigo nyamba hana wugwera, va si khathaligo khu Eni, va ta bela wulangani gwangu nya miphaso, gasi va nyenyezisa nyumbani gwangu, gikhati mu ningelago guhodza, mafura ni novba; khu kharato enu mu di fanyani gidzumeledzwano gyangu khu guvivba gwanu gwatshavbo.

Ezekiyeli 44:9

Mune Pfhumu Nungungulu, a ngu ganela kharati, khuye: Ni moyo muluveli, nyamba hana wugwera, ni gumba khathala khu Eni, a nga beli Wulangani gwangu nya Guage, ambari ni valuveli vatshavbo va vbanyago vbakari ga va na Israyeli.”

Levhi 26:41

iso si nga nyi girago nyi hambana navo, nyi va yisa tigoni ga valala vawe; myonyo yawe nya gulemele ya gu dzi thesa vbavbatshi, khu milandru yawe,

Mitengo 27:14

Kholu, enu mwa vavili mu hambaniside sileletelo sangu giwulani ga Zimi, gikhati tshangano wu nyi wugedego tigoni ga Meribha, enu kha mwa nyi agisa mbeli gwawe khu gu va nonedza tshivba yangu nya yikhongolo. Ayoyo khu mati ya Meribha, tigoni ga Kadesi giwulani gya Zimi.”

Mithumo 6:10

Aholu, va di si dugeleli khu kotani nya guti gwaye ni Liphuvbo nya Guage li nga mu ninga tshivba nya guganele.

Mithumo 7:27

Aholu, uye a nga bani a gu sanisa kwawe a di reda Mosi, a mu embela, khuye: ‘Khu mani a nga gu vega vbakari gwathu kha nga mufumeli ni mulamuli.

Mithumo 7:35

“Khuye Mosi va nga mu nyenyago khavo, khu mani a nga gu gira mufumeli ni mulamuli wathu. Khuye a nga rumedwa khu Nungungulu kha nga muthangeli ni mutshuli, khu lito la ngilozi ya Nungungulu yi nga dzi wonegisa gwaye vbagipopwanatunu.

Mithumo 7:39

Aholu, vababe vathu va di bomba gu mu yingisa, va mu tsukula myonyoni gwawe, va gola gu bwelela Egipito.

Mithumo 7:9

Sitefane a di engedza, khuye: “Vakokwe vathu avo, va di girela lidiwo ndriyawe Josefe, va mu rengisa a vbagedwa a yiswa Egipito. Aholu Nungungulu a diri ni uye;

Varoma 2:25

Khu lisine, guhana wugwera gu na ni giphaso wa gu bani u gu landrisa Nayo. Aholu, wa gumba landrisa Nayo, ambari na wu hanide, khidzosaye ni gu bani wa sa hana.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

Dhewuteronome 10:16

Khu guralo, vbindrugedzani myonyo yanu, mu si bangisi dzithamo dzanu.

Dhewuteronome 30:6

Pfhumu Nungungulu wago, a na vbindrugedza monyo wago ni monyo wa livelego lago, gasi u gole Pfhumu Nungungulu wago, khu monyo wago watshavbo ni hefemulo wago watshavbo, u kodze gu vbanya.

Dhewuteronome 31:27

Kholu nyi ngu guti guyeyisa gwanu ni gu banga nya mihungo yanu; ambari nya gukhuwe nyi di bani nyi nga gu vbanya vbakari gwanu, enu mu kanyiside Pfhumu Nungungulu, ahati olu hwane nya gu bani nyi fude?

Dhewuteronome 9:13

Pfhumu Nungungulu a di ganela gambe a nyi embela, khuye: Nyi lingedzede vathu vava, nyi wonide gukheni vathu nya gubange mihungo.

Dhewuteronome 9:6

Khu guralo, dziti nya gukhuwe khandri khu kotani nya gululame gwago, Pfhumu Nungungulu wago a gu ningago litigo leli nya ladi gasi gu u li fumela, kholu uwe u muthu nya gubange hungo.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vakolosi 2:11

Khu gu tshanganiswa naye, enu mu hanide wugwera, nasiri wugwera wu hanwago milini, aholu wugwera wu tago khu ga Kristo, a gu gutshudwa givili nya gighoho.