Mithumo 7:44 - Bhibhiliya Nya Guage

⁴⁴ “Vakokwe vathu, giwulani, vadiri ni tshatsha nya wukustumunyu, a gu tabherinakeli va nga bani va gu vega umo siwindri nya Nayo. Tabherinakeli yi di vbahidwe kha nga idzo a nga rumisago khidzo Wule a nga ganela ga Mosi a mu ruma gu yi gira kha nga gifananiso gile a nga gi wonago.

Mithumo 7:44 Iomraidhean Croise

1 Dzikoronika 28:11

Dhavhidhe a di ningela mwanaye Solomoni, giwonelo nya nyangwa nya Nyumba ya Nungungulu, ni gya dzinyumba dzakone, ni dzinyumba nya dzithomba dzakone, ni makhuvi nya guhodzele umo gilalelo, ni makhuvini gakone ga ndrani ni wulanga nya miphaso.

1 Dzikoronika 28:19

Dhavhidhe a di ganela khuye satshavbo sesi khu Pfhumu Nungungulu a nyi yeyedzidego khu gu nyi lovela khu mandza yaye, a nyi ninga mavbahelo yatshavbo.

2 Dzikoronika 24:6

Mufumeli a di rumela guya rana muthangeli wawe Joyadha, a ta mu wudzisa, khuye: Khu ginani u ngamba laya va na Levhi gu va resa khu Judha ni Jerusalema mihengo eyi Mosi, githumi gya Nungungulu a nga hungago tshanganoni wa na Israyeli, gasi gu gira Tshatsha nya Tshangano?

Ekisodha 25:40

Thela kota khu gu gi gira kha nga giwonelo u nga nonedzwago mugigomoni momu.

Ekisodha 26:30

“U na vbaha kharati Wulanga nya guage gukhwatshi khu giwonelo nyi gu nonedzidego mugigomoni.”

Ekisodha 27:8

Giluvelo gi na girwe khu mapulango nga ngasa yiri liphanga khu ndrani, nga idzo nyi gu nonedzidego khidzo gigomoni, u na gira kharato.”

Ekisodha 38:21

Owu khu sasamedzo nya silo si thumisidwego vbaguvbahatunu nya Tshatsha nya Guage, a gu nyumba nya wufakazi. Sasamedzo wowu wu giridwe khu Valevhi khu gu leletedwa khu Mosi, va nga thangedwago khu Itamari, gyanana gya Aroni muphasi nya mhamba.

Mitengo 10:11

Khu mwaga nya wuvili, khu litshigu nya magumavili nya ngima nya wuvili, lipfhi li di khuga khu vbatshani nya Tshatsha nya Tshangano.

Mitengo 18:2

Hidzimela gumogo ni vandriyago nya lihundzu la na Levhi, lihundzu la babe wago, avo va na gu phasedzela va gu thumela, uwe ni sanana sago, na mu gu mu khozela Tshatshani nya Gidzumeledzwano.

Mitengo 9:15

Khu litshigu va emisidego Tshatsha nya Tshangano, lipfhi li di ta fenengedza Wulanga nya Guage; ni vbasilambotunu li di ngangamela nya gu fanane ni nilo khu vbatshani nya Wulanga nya Guage kala gugya.

Vahebheru 8:2

Uye a gu gimbidzisa thumo waye nya wuphasi nya mhamba Nyumbani nya Guage Ngudzu yi giridwego khu Nungungulu nasiri khu mandza nya vathu.

Vahebheru 8:5

Thumo wu girwago khu vaphasi vovo, wa gu pimedzela nga mwedzi nya thumo wa Ndzadzini. Khidzo Nungungulu a nga embelago Mosi gikhati a nga vbweta guvbaha Nyumba ya Nungungulu, khuye: “Wona gwadi, u gira satshavbo nga giwonelo nyi gu yeyedzidego gigomoni.”

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Josuwa 3:14

Khavbo avbo, vathu, va di duga khu mitshatshani gwawe, va dongisela gu tshatuga tsongo wa Joridhani gumogo ni vaphasi nya mhamba va nga bani va thangide mbeli gwawe, na va rwade Ngasa.