Mithumo 6:5 - Bhibhiliya Nya Guage

⁵ Mawonelo yoyo ma di tsakisa vathu vatshavbo. Va di hatha Sitefane, mwama nya gutale khu gukhodwa ni Liphuvbo nya Guage; Filipi, Prokoro, ni Nakonori, Timoni, Parmenasi ni Nikolawu, mukhodwa wa Antiyokiya.

Mithumo 6:5 Iomraidhean Croise

Genesi 41:37

Magana yaya, ma di tsakisa Faro ni madhota yaye yatshavbo.

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Mavingu 15:23

Muthu a gu tsaka khu gu ninga phindrulo nya yadi, mahungu ma gu ganedwa khidzo gu vbwetegago khidzo, ma gu tshamba ngudzu.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Matewu 23:15

Libango gwanu, enu vapfhadzi, vahevbudzi nya Nayo ni Vafarisi, mu legalegago ni mayigo, mu khilela mataro mu gimbila mu vbweta mupizane moyo basi. Na mu mu mane, mwa gu mu nyenyezisa nyondro mbili guvbindra enu, a gu fanedwa khu gu rinywa phalani nya nilo.

Mithumo 11:19

Ga gikhati gyogyo, vakhodwa va di phalalegide khu kotani nya tshanisa yi nga dugelela hwane nya gusongwe Sitefane. Va di vboha kala Fenisiya, Kipre ni Antiyokiya, va gu hevbudza mahungu ya Nungungulu ga Vajudha basi.

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 11:22

Mahungu yawe ma di pwala ga libandla la Jerusalema. Khavbo avbo, va di rumela Bharinabha gu hongola kala Antiyokiya.

Mithumo 11:24

Kholu a diri muthu nya ndruda nya gutale khu Liphuvbo nya Guage ni gukhodwa; vathu nya vangi va di dzi ningela ga Pfhumu.

Mithumo 11:26

na mu mane, a di mu dzega a gu hongola naye Antiyokiya. Va khade vatshavbo gipimo nya mwaga rumba, va hengela ni libandla, va gu hevbudza gidzemo nya gikhongolo. Khiyo Antiyokiya vapizane va Jesu va nga phela guranwa pwani Vakristo.

Mithumo 11:27

Khu matshigu yale, Vaprofeti nya gukari va di relela khu Jerusalema va guta Antiyokiya.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 2:4

Vatshavbo va di tala khu Liphuvbo nya Guage, va gu phela gu ganela mambe malimi, kha nga idzo Liphuvbo li nga bani li va ruma gu ganela khidzo.

Mithumo 21:8

Na gugide, hi di phara ndzila hi hongola kala hi ya vboha dhoropani ga Sezareya. Hi di bela ndrangani ga muvhangeli Filipi, hi gu khala naye. Filipi moyo nya vale nya livbandre na vavili va nga hathwago Jerusalema.

Mithumo 22:20

Gikhati wu nga bani wu vbalaga novba wa Sitefane, fakazi yago, nyi diromo neni vbale nyi hengela nava va nga bani va gu mu songa, kheni nyi nga khala ni dzingandzu dzawe.’

Mithumo 6:10

Aholu, va di si dugeleli khu kotani nya guti gwaye ni Liphuvbo nya Guage li nga mu ninga tshivba nya guganele.

Mithumo 6:3

Khu kharato, vandruye, hathani vbakari gwanu livbandre na vavili vama nya ndruda nya gutale khu Liphuvbo ni guti, hi na va ninga avo thumo yoyo,

Mithumo 6:8

Sitefane, na tade khu gukhodwa ni tshivba ya Nungungulu a di gu gira siliwugiso ni siwonegiso vbakari nya vathu.

Mithumo 7:1

Khongolo nya vaphasi nya Mhamba a di ganela, khuye: “Ina khidzo kamwe, gani?”

Gutuledwa 2:15

Vomo navo vbakari gwago valandreli nya nayo wa Nikolawu avo nyi va nyenyago neni.

Gutuledwa 2:6

“Ambari khu guralo, u na ni gipandre gyago nya wuwadi, kholu, u ngu nyenya mithumo ya valandreli va Nikolawu, kha nga edzi nyi yi nyenyago khidzo eni.