Mithumo 6:10 - Bhibhiliya Nya Guage

¹⁰ Aholu, va di si dugeleli khu kotani nya guti gwaye ni Liphuvbo nya Guage li nga mu ninga tshivba nya guganele.

Mithumo 6:10 Iomraidhean Croise

Joba 32:18

Kholu mangi magana nyi gu nawo, liphuvbo li ngu nyi gurumedza gu ganela,

Joba 32:8

Aholu lomo liphuvbo ndrani nya muthu, li mu ningago mapimo, furugedzo wa uye nya Tshivba Yatshavbo.

Ekisodha 4:12

Khu guralo, indra olu, Eni nyi na bani nyiri kanani gwago, nyi na gu hevbudza iso u yelago gu ganela.”

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Jeremiya 15:20

Nyi na gu vega u khala likhokhola nya sugu nya litigo leli; va na dwana nago, aholu kha va na gupala, kholu eni nyi na ni uwe gasi nyi gu vhikela ni gu vbulugisa avbo gwawe, a ngu ganela Pfhumu Nungungulu.

Ezekiyeli 3:27

Aholu, gikhati nyi ganelago nago, nyi na tula likana lago u va embela, khuwe: Pfhumu Nungungulu a ngu ganela kharati, khuye: Nyi na ni magana nyi vbwetago gu mi embela. Uye a dzinago gu yingisa, a na yingise; uye a si dzinigo gu yingisa a na bombe, kholu avo vathu nya gukanyise.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Luka 1:17

Igyo gi na rumedwa mbeli nya liendro la Pfhumu khu liphuvbo nya tshivba nya nga ya muprofeti Eliya, gasi a rudzise myonyo ya vavelegi ni sanana sawe, ni gu hevbudza guyingisa sanana nyamba yingisa. Gi na dongisela kharati vathu, gasi va hakha Pfhumu khu ndruda.”

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Johane 7:46

Dzindruna dzi di phindrula, khidzo: “Gima a si gu manegi muthu a ganelago kha nga uye!”

Mithumo 5:39

Aholu wa gu bani wuri thumo wa Nungungulu, gima, kha mu na wu kodza gu wu fuvisa; gambe mu na manega na mu gu dwana ni Nungungulu.” Va di dzumela mawonelo ya Gamaliyeli.

Mithumo 6:11

Va di renga vathu nya gukari va gu va livba dzitsapawu, va va ruma gu mu singedza khavo va di mupwa na gu hembulula Mosi ni Nungungulu.

Mithumo 6:9

Va dita vathu nya gukari khu Nyumbani nya nombelo yi ranwago pwani khya va nya gutshulega, ni va nya guta khu Kirene, Alexandriya, ni Silisiya ni Aziya, va dita ganedzisana ni Sitefane.

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

1 Vakorinto 2:4

Tshumayelo ni mahungu nyi mi hevbudzidego, kha nya si tiyisa khu magana nya wugengeli ni guti nya wuthu, aholu nyi si tiyiside khu siwonegiso nya tshivba nya Liphuvbo nya Guage.